اسلام آباد: جارح مزاج بلے باز عمر اکمل پاکستان سپر لیگ (پی ایس ایل) کے اگلے سیزن میں لاہور قلندرز کی ٹیم کا حصہ نہیں ہوں گے۔
پی ایس ایل سیزن 4 کے ڈرافٹس سے قبل لاہور قلندرز نے عمر اکمل اور سنیل نارائین کو کوئٹہ گلیڈی ایٹرز کے حوالے کردیا ہے۔
اس بات کا اعلان کوئٹہ نے اپنے ٹوئٹر اکاونٹ پر کیا۔
Bang News:@SunilPNarine74 and @Umar96Akmal both are now Gladiators as they have been added to the @TeamQuetta 's Family.
They will definitely shine under the Captaincy of our beloved Skipper @SarfarazA_54 !
Great picks one again @TeamQuetta ?????#PurpleForce pic.twitter.com/EVPLyaOsj8
— SaifiHolic (@Mudassar54Leo3) November 3, 2018
ان کے بدلے میں کوئٹہ کی ٹیم کے فاسٹ بولر راحت علی اور نوجوان آل راؤنڈر حسان خان لاہور کا حصہ ہوں گے۔
سیزن 4 سے قبل دونوں فرنچائز کے درمیان اس ٹریڈ ڈیل کو پی ایس ایل کی تاریخ کی سب سے بڑی ڈیل قرار دیا جارہا ہے۔
سنیل نارائین 2017 کے ایڈیشن میں پی ایس ایل کا حصہ بنے اور انہوں نے گزشتہ 2 ایونٹ لاہور قلندرز کی جانب سے کھیلے اور اچھی کارکردگی کا مظاہرہ کیا۔
عمر اکمل پی ایس ایل کے اہم بلے بازوں میں شامل ہیں جہاں وہ 20 میچز میں 138 رنز کے اسٹرائیک ریٹ کے ساتھ 556 رنز اسکور کر چکے ہیں۔
لاہور قلندرز کے چیف آپریٹنگ افسر سمین رانا نے ٹیم انتظامیہ اور مداحوں کی جانب سے عمر اکمل اور سنیل نارائین کو قلندرز کے لیے خدمات پر شکریہ ادا کرتے ہیں۔
An exceptional bowler, Rahat Ali is all set to bring his skills to the field! We welcome you to the #QalandarsClan and look forward to a great season of PSL with you! #DamaDamMast pic.twitter.com/emltzpCZ4g
— Lahore Qalandars? (@lahoreqalandars) November 3, 2018
انہوں نے کہا کہ وہ اسپینر حسان خان اور فاسٹ باؤلر راحت علی کو لاہور قلندرز میں شمولیت پر خوش آمدید کہتے ہیں۔
کوئٹہ گلیڈی ایٹرز کے مالک ڈاکٹر ندیم عمر نے بھی اس خبر کی تصدیق کرتے ہوئے دونوں کھلاڑیوں کو اپنی ٹیم میں خوش آمدید کہا۔
ان کا کہنا تھا کہ نارائین ایک جادوگر اسپینر ہیں اور وہ ٹی ٹوئنٹی کرکٹ میں میچ ونر ہیں، جبکہ عمر اکمل پاکستان کے جارح مزاج بیٹسمین ہیں جن کی شمولیت سے ٹیم کی بیٹنگ لائن مزید مضبوط ہوگی
