فلوریڈا: پاکستانی فنکار فخر عالم دنیا کا سفر مکمل کرنے والے پہلے پاکستانی بن گئے۔ فخر عالم نے مشن پرواز کا آغاز دس اکتوبر کو امریکی شہر فلوریڈا سے کیا تھا۔
فخر عالم نے اپنے فضائی سفر کا آغاز دس اکتوبر کو صبح سات بجے فلوریڈا سے کیا تھا جو 28 دن پر مشتمل اپنے سفر کے دوران مختلف ممالک کے 22 سے زائد ائرپورٹس سے ہوتا ہوا واپس فلوریڈا پہنچ گیا۔
فخر عالم نے سماجی رابطے کی ویب سائٹ ٹوئٹر پر اپنے سفر کے مکمل ہونے کا اعلان کیا۔ فخر عالم نے کہا کہ پاکستان آپ سب کو خوشخبری دینا چاہتا ہوں کہ مشن پرواز کا مشن مکمل ہو گیا ہے۔ فخر عالم نے اپنا فضائی سفر مکمل ہونے کے بعد پاکستان زندہ باد کا نعرا بھی لگایا اور پوری قوم کو مبارکباد دی۔
Pakistan aap sab ko khushkabree deina chaata houn … #MissionParwaaz Mission Accomplished #PakistanZindabad pic.twitter.com/oiPyxIlwOv
— Fakhr-e-Alam (@falamb3) November 3, 2018
فخر عالم نے اپنے ویڈیو پیغام میں کہا کہ میں نے فلوریڈا سے اپنے مشن پرواز کا آغاز کیا تھا اور اب دوبارہ میں فلوریڈا پہنچ چکا ہوں۔
The flag is up….it’s done…Pakistan congrats we have our 1st successful circumnavigation of the globe in any mode of transportation…. #MissionParwaaz pic.twitter.com/vgN0AXcGj1
— Fakhr-e-Alam (@falamb3) November 3, 2018
فخر عالم اپنے مشن پروز کے دوران مختلف ممالک کے ائرپورٹس سے ٹوئٹر پر ویڈیو پیغامات بھی بھیجتے رہے اور اپنی قوم کو اپنے سفر سے نہ صرف آگاہ کرتے رہے بلکہ پیغامات بھی دیتے رہے۔
Part 2 of message from flightdeck of #MissionParwaaz pic.twitter.com/xj8IM8Cf9B
— Fakhr-e-Alam (@falamb3) November 3, 2018
پاکستانی فنکار فخر عالم کو اپنے مشن پرواز کے دوران روس کے یوزنوسخالینسک ائرپورٹ پر ویزہ کے میعاد ختم ہونے کے باعث حراست میں لے لیا گیا تھا۔ فخر عالم جاپان سے روس پہنچے تھے اور انہیں واپس جاپان جانے پر مجبور کیا جا رہا تھا تاہم پاکستانی وزارت داخلہ کی کوششوں سے فخر عالم کو نیا ویزہ جاری کیا گیا جس کے بعد انہوں نے اپنا سفر جاری رکھا۔