اسلام آباد: محمد حفیظ نے پاکستان سپر لیگ کی فرنچائز پشاور زلمی سے علیحدگی کا اعلان کر دیا ہے جس پر فرنچائز کے غیر ملکی کپتان ڈیرن سیمی نے اپنے پیغام میں ان کا شکریہ ادا کیا۔
Thank you @MHafeez22 it was a pleasure https://t.co/kB3SE69fjk
— Daren Sammy (@darensammy88) November 8, 2018
محمد حفیظ نے گزشتہ روز سماجی رابطوں کی ویب سائٹ ٹویٹر پر اپنے پیغام میں پشاور زلمی چھوڑنے کا اعلان کیا تھا، انہوں نے فرنچائز کا شکریہ ادا کرتے ہوئے کہا کہ پشاور زلمی کے ساتھ تین سال شاندار گزرے۔
Thanks @PeshawarZalmi & @JAfridi10 for such a great journey of 3yrs full of fond memories. Had fabulous time with U all. Now I decided to go to Draft of @thePSLt20 , Thanks to all fans of @PeshawarZalmi for their unconditional love & support. wishing u all the best for future
— Mohammad Hafeez (@MHafeez22) November 8, 2018
پشاور زلمی سے علیحدگی کے بعد محمد حفیظ پاکستان سپر لیگ کے چوتھے ایڈیشن کے لیے پلیئرز ڈرافٹ میں شامل ہوں گے، کرکٹ مبصرین کے مطابق موجودہ فارم کے باعث پی ایس ایل فور کےڈرافٹ میں محمد حفیظ کی ڈیمانڈ بڑھ گئی ہے۔
آل راؤنڈر بلے باز لاہور قلندرزیا ملتان سلطان میں شمولیت اختیار کر سکتے ہیں۔
پی ایس ایل کے چوتھے ایڈیشن سے قبل لاہور قلندرز کے جانب سے کھیلنے والے عمر اکمل اور سنیل نارائن ںے بھی فرنچائز کو خیرباد کہہ کر کوئٹہ گلیڈی ایٹرز میں شمولیت اختیار کی تھی۔
لاہور قلندرز کے غیر ملکی کپتان برینڈن میکلم نے بھی گزشتہ ہفتے قلندرز سے راہیں الگ کرنے کا اعلان کیا تھا۔