دبئی: پاکستان کرکٹ ٹیم کے رائٹ آرم بلے باز اسد شفیق نے ٹیسٹ کرئیر کے 4000 رنز مکمل کر لیے ہیں، قومی ٹیم کے مڈل آرڈر بلے باز نے یہ ریکارڈ ابوظہبی میں جاری نیوزی لینڈ کے خلاف پہلے ٹیسٹ میچ کی دوسری اننگ میں حاصل کیا۔
اسد شفیق نے پاکستان ٹیم کے سینئر کھلاڑی محمد حنیف کا ریکارڈ توڑ دیا ہے، جو ٹیسٹ کے 55 میچوں کی 97 اننگز میں 3915 رن بنائے ہوئے ہیں۔
64 matches
21 fifties
11 hundreds
4⃣0⃣0⃣0⃣ runs in Tests for @asadshafiq1986 ?#PAKvNZ pic.twitter.com/6j2BKevzJ8— PCB Official (@TheRealPCB) November 19, 2018
اس سے قبل حالیہ دورہ آسٹریلیا کے دوران اسد شفیق نے دبئی ٹیسٹ کی پہلی اننگز میں پاکستان کے وزیر اعظم اور سابق کرکٹر عمران خان کا ریکارڈ توڑا تھا۔ عمران خان 88 ٹیسٹ میچوں کی 126اننگز میں 3807رن بناکر 13ویں نمبرپر تھے، جبکہ اسد شفیق نے 62 میچوں کی 103اننگز میں 3811رنز بنا کر عمران خان سے 13واں نمبر چھین لیا تھا۔
پاکستان کی جانب سے ٹیسٹ کرکٹ میں یونس خان 10099 رنز بنا کر سرفہرست ہیں۔ اس کے بعد 8832 رنز کے ساتھ جاوید میانداد دوسرے نمبر پر ہیں ۔
