اسلام آباد: وزیر خارجہ شاہ محمود وقریشی نے کہا ہے کہ وزیراعظم عمران خان 28 نومبر کو کرتار پور باڈر کراسنگ کی بنیاد رکھیں گے۔
وفاقی وزیر نے ایک ٹویٹ میں بتایا ہے کہ پاکستان پہلے ہی بھارت کو اس بات سے آگاہ کرچکا ہے کہ آئندہ برس سکھ مذہب کے بانی گرونانک کے 550 ویں جنم دن پر کرتار پور کراسنگ کھولی جائے گی۔
Pakistan has already conveyed to India it’s decision to open Kartarpura Corridor for Baba Guru Nanak’s 550th birth anniversary. PM Imran Khan will do break ground at Kartarpura facilities on 28th November. We welcome the Sikh community to Pakistan for this auspicious occasion.
— Shah Mahmood Qureshi (@SMQureshiPTI) November 22, 2018
اس سے قبل وفاقی وزیر برائے اطلاعات و نشریات فواد چوہدری نے کہا کہ بھارتی کابینہ کی جانب سے کرتار پور بارڈر کھولنے کا آج کا فیصلہ امن کی سمت میں پہلا قدم ہے۔
وفاقی وزیر نے ایک ٹویٹ میں کہا کہ کرتار پور بارڈر کھولنے کا فیصلہ دونوں ممالک میں موجود امن پسند لوگوں کی جیت ہے۔
انہوں نے کہا ہم امید کرتے ہیں کہ مستقبل میں بھی اس قسم کے فیصلوں سے سرحد کے دونوں طرف امن کی امید رکھنے والے لوگوں کو مزید حوصلہ ملے گا۔
Indian Cabinet endorsement of Pakistan’s proposition on #KartarPurBorderOpening is victory of peace lobby in both countries, its a step towards right direction and we hope such steps ll encourage voice of reasons and tranquility on both sides of the border.
— Ch Fawad Hussain (@fawadchaudhry) November 22, 2018
وزیراعظم نریندر مودی کی زیرصدارت ہونے والے بھارتی کابینہ کے مشترکہ اجلاس میں فیصلہ کیا گیا ہے کہ سکھ یاتریوں کو سہولت دینے کیلیے ضلع گرداس پور سے بارڈر کھولا جائے گا۔
پاکستان میں دریائے راوی کے کنارے کرتار پور صاحب میں سکھ گرو نانک کی آخری آرام گاہ ہے۔
وزیراعظم عمران خان کی تقریب حلف برداری میں بھارتی کرکٹر نوجوت سدھو نے شرکت کی تھی۔ آرمی چیف جنرل قمر جاوید باجوہ نے بھارتی مہمان کو بتایا تھا کہ ہم سکھ یاتریوں کیلئے کرتار پوربارڈر کھولنے کو تیار ہیں۔
وفاقی وزیر اطلاعات فواد چوہدری نے بھی کہا تھا کہ پاکستان کرتار پور بارڈر کھولنے کیلئے بھارت سے بات چیت کے لیے تیار ہے۔
پچھلے مہینے پاکستانی دفتر خارجہ کے ترجمان ڈاکٹر فیصل نے کہا تھا کہ کرتار پور بارڈر کھولنے کا فیصلہ بھارتی جواب سے مشروط ہے۔
گرونانک کے 549 جنم دن کی تقریبات میں شرکت کیلئے رواں برس بھارت سے 3,500 جب کہ دنیا بھر سے ہزاروں کی تعداد میں سکھ یاتری پاکستان آئے ہیں اور پاکستان نے ان کیلیے صحت اور طعام و قیام کا بہترین انتظام کیا ہوا ہے۔
تقریبات نومبرکی 21 تاریخ سے لے کر 30 تک چلیں گی۔
