اسلام آباد :کرتارپور سرحد کھولنے کے فیصلے پر سابق بھارتی کرکٹر نوجوت سنگھ نے کہا ہے کہ پاکستان کے اس اقدام پر شکریہ ادا کرتے ہیں۔
انہوں نے سینیٹر فیصل جاوید کو فون پر شکریہ ادا کرتے ہوئے کہا کہ پاکستان سے جو محبت ملی فراموش نہیں کی جاسکتی، پاکستانی بہت سندر لوگ ہیں۔
دونوں شخصیات کے درمیان کرتار پور سرحد کھولنے کے معاملے پر بات چیت ہوئی اور سدھو نے سرحد کھولنے سے متعلق عمران خان کے جذبے کی تعریف کی اور فیصل جاوید کو عمران خان کے لیے شکریہ کا پیغام دیا۔
دوسری جانب انہوں نے اپنے ایک ٹویٹ پیغام میں کہا کہ وہ عمران خان کی جانب سے کیے گئے اس مثبت قدم کا خیر مقدم کرتے ہیں۔
Thank you @ImranKhanPTI Bhai, we welcome the positive step, it means the world to us. You’re a gem! This is a great service to mankind. Kudos to you!
ਨਾਨਕ ਨਾਮ ਚੜਦੀ ਕਲਾ ਤੇਰੇ ਭਾਣੇ ਸਰਬਤ ਦਾ ਭਲਾ| pic.twitter.com/xehaXTfzTm— Navjot Singh Sidhu (@sherryontopp) November 22, 2018
انہوں نے ٹویٹ میں عمران خان کا شکریہ ادا کرتے ہوئے لکھا کہ عمران خان کی جانب سے انسانیت کے لیے ایک بڑا قدم اٹھایا گیا ہے اور یہ انسانیت کی بہت بڑی خدمت ہے۔