اسلام آباد: وزیر اعظم عمران خان نے کہا ہے کہ لاہور میں بے گھر افراد کےلیے فٹ پاتھ پر خیمے لگائے جارہے ہیں۔
سماجی رابطے کی ویب سائٹ ٹویٹر پر اپنے پیغام میں وزیر اعظم عمران خان نے کہا ہے کہ شیلٹر ہوم کی تعمیر تک یہ خیمے عارضی پناہ گاہوں کے طور پر لگائے جا رہے ہیں۔
Tents being setup in Lahore today as temporary Panah Gahs (shelters) for the homeless sleeping on the footpaths of the provincial capital. pic.twitter.com/psrsOnVfNG
— Imran Khan (@ImranKhanPTI) November 24, 2018
اس سے قبل وزیر اعظم عمران خان نے وزیر اعلیٰ پنجاب کو بڑھتی سردی کے پیش نظر شیلٹر ہوم پراجیکٹ کی تعمیر تک بے گھر افراد کو پناہ اور خوراک مہیا کرنے کی ہدایات کی تھیں۔
وزیر اعظم نے ہدایات کیں کہ شیلٹر ہوم کی تعمیر مکمل ہونے تک فٹ پاتھ پر سونے والے افراد کے لیے ٹینٹ لگائے جائیں اور ان کو کھانے پینے کی اشیا مہیا کی جائیں۔
I have asked CM Punjab to set up tents for people sleeping on footpaths and provide them food until the Panah Gahs (shelters) are built, as the weather is turning increasingly cold. Peshawar and Karachi spots also being located.
— Imran Khan (@ImranKhanPTI) November 24, 2018
واضح رہے وزیر اعظم عمران خان نے دو ہفتے قبل دورہ لاہور کے دوران پنجاب حکومت کے شیلٹر ہوم پراجیکٹ کا سنگ بنیاد رکھا تھا صوبائی حکومت کی جانب سے یہ شیلٹر ہوم داتا دربار کے سامنے تعمیر کیا جائے گا۔
منصوبے کے تحت حکومت پنجاب پہلے مرحلے میں لاہور میں پانچ شیلٹر ہوم قائم کرے گی۔