ہالی ووڈ کی مشہور زمانہ اینی میٹڈ فلم “دی لائن کنگ” کے لائیو ان ایکشن ٹریلر کو ڈزنی کا کامیاب ترین ٹریلر قرار دیا گیا ہے۔
ڈزنی کی جانب سے جاری بیان کے مطابق دی لائن کنگ کے ٹیزر ٹریلر کو صرف 24 گھنٹوں کے دوران دنیا بھر میں 22.46 کروڑ شائقین نے دیکھا اور شیئر کیا ہے جو اب تک کسی بھی اینی میٹڈ فلم کا ریکارڈ توڑ فگر ہے۔
ڈزنی نے اپنے ٹویٹر پیغام میں تمام شائقین کا شکریہ ادا کیا جنہوں نے اسے دنیا کا کامیاب ترین ٹریلر بنانے میں مدد کی۔
To the entire pride: Thank you for helping the teaser trailer for #TheLionKing become the most-viewed Disney trailer debut ever as it reached a record-breaking 224.6 million global views in 24 hours! pic.twitter.com/HSmWxS9YQp
— Disney (@Disney) November 24, 2018
واضح رہے دی لائن کنگ کا ٹریلر کسی بھی فلم میکر کمپنی کے سب سے زیادہ دیکھے جانے والے ٹریلرز میں بھی دوسرے نمبر پر ہے، پہلے نمبر پر ایونجرز کی جانب سے جاری کیا گیا “اینفینیٹی وار” کا ٹریلر ہے۔
1994 میں پہلی مرتبہ ریلیز کی گئی اس فلم نے ایک بلین ڈالر کا بزنس کیا تھا۔ اس فلم کو راجر ایلرز اور روب منکوف نے ڈائریکٹ کیا، فلم اگلے سال 19 جولائی کو دنیا بھر کے سینما گھروں میں نمائش کے لیے پیش کی جائے گی۔
July 19, 2019. #TheLionKing pic.twitter.com/DEc7Vq9sxQ
— Disney (@Disney) November 22, 2018
معروف اینی میٹڈ فلم میکر کمپنی ڈزنی نے اس کے علاوہ بھی کئی کامیاب اینی میٹڈ فلموں کے لائیو ایکشن ریمیکس ریلیز کیے ہیں جن میں سنڈریلا، دی بیوٹی اینڈ دی بیسٹ اور دی جنگل بک شامل ہیں۔