اسلام آباد: صدر پاکستان ڈاکٹر عارف علوی نے عوام سے اپیل کی ہے کہ روپے کی قدر میں اضافے کے لیے عوام اپنا کردار ادا کریں اور پاکستان میں بنی مصنوعات ہی خریدیں۔
سماجی رابطے کی ویب سائٹ پر اپنے ایک ٹویٹ پیغام میں انہوں نےروپے کی گرتی قدر کو سنبھالنے کا نیا فارمولا بتا دیا اورعوام کو صرف پاکستان میں بنی مصنوعات خریدنے کا مشورہ دیا ہے۔
Considering pressure on Pak rupee,I urge Pakistanis to buy 'Made in Pakistan'. In this time of crisis we must try to avoid luxury goods & avoidable imported purchases. If you put your mind to it there is a long list of daily use imported products. This is what we must do together
— Dr. Arif Alvi (@ArifAlvi) December 2, 2018
صدر مملکت نے ٹویٹ پیغام میں کہا کہ موجودہ حالات میں لگژری مصنوعات اور غیرضروری درآمدی اشیا خریدنے سے گیریز کیا جائے کیوںکہ درآمدات زیادہ ہونے سے روپے کی گرتی قدر پر منفی اثر پڑے گا۔
https://urduhumnews.wpengine.com/latest/110134/
انہوں نے کہا کہ اگر باہر کی منصنوعات کے برعکس صرف ’میڈ ان پاکستان‘ یعنی پاکستان میں بنی مصنوعات کی خریداری کو ترجیح دی جائے تو روپے کی گرتی قدر کو سنبھالا جا سکتا ہے۔
ان کا کہنا تھا کہ روزہ مرہ استعمال کی کچھ اشیا ایسی ہیں جو پاکستان میں بھی تیار کی جاتی ہیں اور مارکیٹ میں باآسانی دستیاب ہیں۔
انہوں نے کہا کہ ہماری روزمرہ کی خریداری میں غیر ملکی اشیا کی طویل فہرست ہوتی ہے اگر ان کی جگہ پاکستانی مصنوعات کواستعمال کیا جائے تو ملکی معیشت پر نمایاں فرق پڑے۔
صدر پاکستان کا کہنا تھا کہ سب کو مل کر درآمدی اشیا کی خریداری کم کرنی چاہیے۔