’میٹرک سرٹیفیکیٹ کا اجراء ایک سال میں کیا جائے گا‘


کراچی : ثانوی تعلیمی بورڈ کراچی کےامتحانات پاس کرنےوالےطالب علموں کو سرٹیفیکٹ کے حصول کے لئے اب تین سال انتظارنہیں کرناپڑے گا ۔
تعلیمی بورڈ کی نئی پالیسی کے مطابق طالب علموں کو ایک سال کے اندر ہی سرٹیفیکیٹ جاری کردیاجائے گا۔

چیئرمین ثانوی تعلیمی بورڈکے مطابق رواں سال سے ہی میٹرک پاس کرنےوالےطلباوطالبات کو تعلیمی سرٹیفیکیٹ کا اجراء جلد کیا جائے گا۔

انہوں نے کہا کہ ماضی میں طالب علم دسویں جماعت کاامتحان پاس کرنے کےبعد مینول سسٹم کے باعث تین سال تک سرٹیفیکیٹ کے حصول کے لئے انتظارکرتےتھے،تاہم  اب میڑک کرنےوالےطالب علموں کوایک سال میں سرٹیفیکیٹ کا اجراء کر دیا جائے گا ۔

انہوں نے کہا کہ اس ضمن میں 2017کےپہلےبیچ کوسرٹیفیکٹ جاری کیےجائینگے،چئیرمین میٹرک بورڈکہتے ہیں طلباوطالبات کے دوہزارسترہ کے سرٹیفیکٹ متعلقہ اسکولوں کوبھیجوادئیےجائینگے۔


متعلقہ خبریں