کراچی: وزیر اعلیٰ سندھ مراد علی شاہ نے حیدر آباد کے مدرسے میں بچوں پر مولوی کے تشدد کا نوٹس لے لیا جس کے بعد مسجد کے حافظ قرآن معلم کو بچوں پر تشدد کے الزام میں گرفتار کر لیا گیا ہے۔
ہم نیوز کے مطابق بچوں پر تشدد کی ویڈیو وائرل ہونے کے بعد وزیر اعلیٰ سندھ مراد علی شاہ نے کمشنر حیدر آباد سے واقعے کی رپورٹ طلب کی تھی۔
Shabir Ahmed s/o Ghulam Hussain by caste Ansari r/o Sarfaraz colony. Ghulam Hussain is pesh Imam in Sarhandi masjid and Shabir is Hafiz e Quran and teaches Quran pak in Sarhandi Masjid Arrested by SHO Cantt. Hyderabad.
.#sindhpolicedmc #IGSindhnotice #Hydrabad #NewsAlert pic.twitter.com/UIWJuJAvXz— Sindh Police (@sindhpolicedmc) December 14, 2018
مراد علی شاہ کا کہنا تھا کہ بچوں پر تشدد کہیں بھی کسی صورت قبول نہیں، انہوں نے تشدد کے رجحان کو روکنے کے لئے محکمہ تعلیم کو محکمہ مذہبی امور کے ساتھ مل کرکونسلنگ کا پروگرام بنانے کے احکامات جاری کیے۔
ان کا کہنا تھا کہ بچے معصوم ہیں ان کی تعلیم و تربیت شفقت سے کی جائے۔
واضح رہے کہ حیدرآباد کی ایک مسجد میں مولوی صاحب کی جانب سے بچوں پر تشدد کی ویڈیو وائرل ہوئی تھی جس کا وزیر اعلیٰ سندھ مراد علی شاہ نے نوٹس لیا تھا۔