اپنی شادی کو انجوائے کریں، کامیڈین فائزہ کا پیغام 

فائزہ اپنے شوہر ابوذر کے ہمراہ، فائل فوٹو.–


اسلام آباد: پاکستانی مزاحیہ فنکارہ فائزہ سلیم نے اپنی شادی پر مداحوں کو پیغام دیا ہے کہ اپنی شادی کو خوب انجوائے کیا جائے۔

فائزہ نے سوشل میڈیا پر اپنی شادی کی تقریبات کی تصاویرو ویڈیوز شئیر کیں جس میں انہیں ڈانس کرتے اور انجوائے کرتے ہوئے دیکھا جاسکتا ہے۔

پاکستانی مزاحیہ فنکارہ نے سوشل میڈیا پر جاری اپنے پیغام میں لکھا ہے کہ انہوں نے اپنی شادی پربھرپور انجوائے کرنے کا فیصلہ کیا تھا۔ جس کے لیے انہوں نے اپنی والدہ سے اجازت لی اور اس بات کی پرواہ نہیں کی کہ لوگ کیا کہیں گے۔

انہوں نے یہ بھی لکھا کہ انہوں نے اپنے شوہر کے ساتھ بات چیت کرکے اور باہمی رضامندی سے اپنے نکاح نامے کی شقیں بھی پر کیں۔

 

View this post on Instagram

 

I had decided to have the most fun at my wedding. I asked my mom for her approval and after that I didn’t really care ke log kya kahenge. I added conditions to my nikkahnama (based on a mutually respectful conversation with my husband to be)..I hosted and performed at my shadi’s comedy night and had my comedian friends roast me(maybe that wasn’t the best idea). I entered dancing with Abuzer and friends at our mehndi and danced throughout with my sneakers on. As women we are expected not to be happy at our wedding. But why not? I’m marrying the love of my life..everyone who matters is happy for me or should be happy for me. Then why should I let nobodies dictate when, where and how I should express my emotions? If someone doesn’t like it, then too bad too sad. Tomorrow I will marry Abuzer iA and I pray that we continue to be happy together because you know what? Happy brides make everyone else happy too. Allhamdullilah. Please send us prayers and good vibes. #faizerforever #af2018 #abuzer #faizasaleem #weddingseason #karachi

A post shared by Faiza Saleem (@faizasaleem90) on

فائزہ نے بتایا کہ انہوں نے اپنے شادی پر ایک کامیڈین نائٹ کا بھی انعقاد کیا جس کی ساری تیاریاں اور تقریب کی میزبانی بھی فائزہ نے خود کی۔ اس میں ان کے کامیڈین دوست پیش پیش رہے تاہم ساتھ ہی فائزہ نے ہ بھی لکھا کہ ہوسکتا ہے یہ کوئی اچھا خیال نہ ہو۔

انہوں نے لکھا کہ کامیڈین نائٹ کا انعقاد ان کی مہندی پر کیا گیا اور وہ اپنے دوستوں کے ساتھ ڈانس میں پیش پیش رہیں جبکہ انہوں نے اپنے خاوند اور دوستوں کے جوتے پہن کر بھی ڈانس کیا۔

فائزہ لکھتی ہیں کہ عموما لڑکیاں اپنی شادی پر خوش نہیں ہوتیں لیکن ایسا نہیں ہونا چاہیئے۔ جب سب خوش ہوں تو وہ کیوں خوش نہ ہوں۔  انہوں نے لکھا کہ کوئی مجھے اس بات کی ہدایت نہیں دے سکتا کہ مجھے کب، کہاں اور کیسے اپنے جذبات کا اظہار کرنا ہے۔ اگر کوئی آپ کی خوشی میں خوش نہیں ہوتا تو یہ بہت غلط اور مایوس کن بات ہے۔

آخری میں انہوں نے لکھا کہ وہ دعا گو ہیں کہ وہ اور ان کے شوہر ابوذر ہمیشہ اسی طرح خوشیاں جاری رکھیں۔ انہوں نے یہ بھی لکھا کہ خوش مزاج دلہنیں ہر کسی کو خوش کرسکتی ہیں۔

انہوں نے اپنے مداحوں سے نیک تمناؤں اور دعاؤں کی درخواست بھی کی۔

واضح رہے فائزہ سلیم کی شادی کی تقریبات جاری ہیں۔


متعلقہ خبریں