پنجاب اور کے پی میں نئے سال کا تحفہ،بچوں کی چھٹیوں میں اضافہ

اسلام آباد: صوبہ پنجاب اور صوبہ خیبرپختونخوا کے تعلیمی اداروں میں موسم سرما کی تعطیلات میں اضافہ کردیا گیا ہے۔ اس طرح پاکستان تحریک انصاف کی صوبائی حکومتوں نے پنجاب اورخیبرپختونخوا کے بچوں کو سخت سردی کے موسم میں نئے سال کا ’تحفہ‘ چھٹیوں کی صورت میں دیا ہے۔

ہم نیوز کے مطابق دونوں صوبوں کے محکمہ تعلیمات نے چھٹیوں میں اضافے کا فیصلہ سردی کی موجودہ لہر کو مدنظر رکھ کر کیا ہے۔

محکمہ تعلیم پنجاب کے ذرائع نے ہم نیوز کو بتایا ہے کہ سخت سردی اور شدید دھند کی وجہ سے اسکولوں کی تعطیلات میں ایک ہفتے کا اضافہ کیا گیا ہے جس کی وجہ سے اسکول اب یکم جنوری  کے بجائے سات جنوری 2019 کو کھلیں گے۔

Due to the intensity of the cold weather and fog in Punjab, the schools will remain closed for one more week and will reopen on January 7th, 2019. The notification will be issued tomorrow morning. We care for our children & honourable teachers.

— Murad Raas (@DrMuradPTI) December 31, 2018

ہم نیوز کو ذرائع نے بتایا کہ اسکولوں کی تعطیلات میں اضافے کو نوٹی فکیشن منگل کی صبح جاری کیا جائے گا۔

صوبہ پنجاب کے وزیرتعلیم مراد راز نے بھی اس کی تصدیق سماجی رابطے کی ویب سائٹ ’ٹوئٹر‘ پر جاری کردہ اپنے ایک پیغام میں کردی تھی لیکن پھر رات گئے صوبائی محکمہ تعلیم نے اس ضمن میں نوٹی فکیشن جاری کردیا  گیا۔ وزیر تعلیم نے ٹوئٹر پر اس کو بھی جاری کردیا ۔

Notification issued for the extended winter vacation. pic.twitter.com/Cs7PCka0Gr

— Murad Raas (@DrMuradPTI) December 31, 2018

ہم نیوز کو محکمہ تعلیم خیبرپختونخوا کے ذمہ دار ذرائع نے بھی بتایا ہے کہ موسم سرما کی تعطیلات میں ایک ہفتے کا اضافہ کردیا گیا ہے۔

ذرائع کے مطابق خیبرپختونخوا میں تعلیمی ادارے اب سات جنوری 2019 کو کھلیں گے۔

ہم نیوز کے مطابق سخت سردی کی وجہ سے صوبائی وزیراعلیٰ محمود خان نے تعطیلات میں اضافے کی ہدایات جاری کی تھیں۔