بہاولپور: پاک فوج کے سربراہ جنرل قمر جاوید باجوہ نے کہا ہے کہ پاکستان امن کا خواہش مند ہے۔
پاک فوج کے سربراہ جنرل قمر جاوید باجوہ نے آج بہاولپور کور کے زیر اہتمام سرمائی تربیتی فوجی مشقوں کا معائنہ کیا ۔
آرمی چیف نے افسران اور جوانوں سے خطاب کرتے ہوئے کہا کہ پاکستان ایک امن پسند ملک ہے۔ ملک کے اندر اور اپنی سرحدوں پر امن چاہتے ہیں۔
COAS visited formations of Bahawalpur Corps during winter collective training.Witnessed manoeuvre of mechanised formation as part of defensive Corps’ operations against conventional threat.COAS expressed satisfaction on high standards of training & operational preparedness.(1/2). pic.twitter.com/cbC1mPZ99R
— Maj Gen Asif Ghafoor (@OfficialDGISPR) January 9, 2019
پاک فوج کے شعبہ تعلقات عامہ (آئی ایس پی آر) کے مطابق آرمی چیف نے میکنائزڈ فارمیشن کی دفاعی صلاحیتوں کا جائزہ لیا، جبکہ مشرقی سرحد پر عباس سیکٹر پر اگلے مورچوں کا دورہ بھی کیا اورروایتی خطرات سے نمٹنے کے لیے حربی مشقیں دیکھیں۔
آرمی چیف جنرل قمر جاوید باجوہ نے پاک فوج کے بہترین تربیتی معیار اور آپریشنل صلاحیتوں کو سراہتے ہوئے کہا کہ دہشت گردی کے خلاف جنگ پاک فوج کی حربی صلاحیتوں میں نکھار لائی ہے، جنگی آلات سے لیس تربیت یافتہ فوج ہی جنگ روک سکتی ہے۔
آرمی چیف نے کہا کہ بابائے قوم کے وژن کے تحت پاکستان امن کا خواہش مند ہے۔ ہماری بہترین تربیت یافتہ مسلح افواج امن کی ضامن ہے۔
