تہران: ایران کے وسطی شہر کاراج کے نزدیک سوموار کی صبح ایک فوجی کارگو طیارہ گر کر تباہ ہو گیا ہے جس میں 15 ہلاکتوں کی تصدیق ہوئی ہے۔
ابتدائی معلومات کے مطابق کرغزستان سے آنے والا فوجی کارگو طیارہ بوئنگ707 موسمی خرابی کے سبب ایئرپورٹ کے رن وے پر لینڈ کرنے سے پہلے ہی باڑ سے ٹکرا گیا اور گرتے ہی آگ پکڑ لی۔
طیارے میں 16 افراد سوار تھے جب کہ فلائیٹ انجینئر کو زخمی حالت میں اسپتال منتقل کردیا گیا ہے۔
حادثے کی اطلاع ملتے ہیں امدادی ٹیمیں جائے وقوعہ پر پہنچیں اور ایک ہیلی کاپٹر بھی امدادی سرگرمیوں میں استعمال کیا گیا۔
ایران کی سول ایوی ایشن ایجنسی کے ترجمان رضا جعفرزادہ نے مقامی پریس ایجنسی کو بتایا ہے کہ طیارے نے گرتے ہی آگ پکڑ لی تھی۔
Reza Jafarzadeh, a spokesman for the Civil Aviation Organization of the Islamic Republic of Iran (CAO.IRI), told: that the plane had “caught fire” but the extent of damage was not clear.#Plane_crash #crash #west_of_Tehran #tehran #iran#سقوط_هواپیما#حادثة#سقوط_هواپیما_تهران
— Iran Press News Agency (@iranpress_com) January 14, 2019
مقامی پریس ایجنسی کے مطابق پائلٹ نے طیارے کا کنٹرول کھو دیا تھا جس کے سبب کارگو جہاز آبادی اور ایئرپورٹ کے درمیان دیوار سے جا ٹکرایا لیکن اس بارے میں حتمی رپورٹ نہیں ہیں آبادی کو کتنا نقصان پہنچا۔
ایرانی خبر ایجنسی کے مطابق کارگو طیارہ کرغستان سے گوشت لا رہا تھا اور اسے فتح ایئرپورٹ پر ہنگامی لینڈنگ کرنی پڑی۔
