اسلام آباد: بھارتی کرکٹ ٹیم کے کپتان ویرات کوہلی کو انٹر نیشنل کرکٹ کونسل(آئی سی سی) کی جانب سے تین ایوارڈز دیے گئے ہیں اور وہ یہ تین ایوارڈز لینے والے پہلے بھارتی کھلاڑی بن گئے ہیں۔
انٹرنیشنل کرکٹ کونسل نے سال2018 کے دوران بہترین کارکردگی پیش کرنے پر ویرات کوہلی کو ٹیسٹ کرکٹر، سر گارفلیڈ سوبرز ٹرافی اور مینز کرکٹر آف دی ایئر کا ایوارڈ دیا ہے۔
بھارتی کرکٹ ٹیم کے کپتان نے مسلسل تیسری بار آئی سی سی مینز کرکٹر آف دی ایئر کا اعزاز اپنے نام کیا ہے۔
Sir Garfield Sobers Trophy for ICC Men’s Cricketer of the Year ?
ICC Men’s Test Cricketer of the Year ?
ICC Men’s ODI Cricketer of the Year ?India’s superstar @imvKohli wins a hat-trick of prizes in the 2018 #ICCAwards!
➡️ https://t.co/ROBg6RI4aQ pic.twitter.com/MGB84Ct8S9
— ICC (@ICC) January 22, 2019
ویرات کوہلی نے آئی سی سی کی جانب سے ایوارڈ ملنے پر اپنے تاثرات کا اظہار کرتے ہوئے کہا کہ مجھے خوشی ہے اور یہ سب میری محنت کا نتیجہ ہے جو میں 2018 میں کی۔ بھارتی کپتان کا کہنا تھا کہ میری ٹیم بھی اچھا کھیل پیش کررہی ہے اور مجھے اس پر فخر ہے۔
آئی سی سی ووٹنگ اکیڈمی نے ٹیسٹ اور ون ڈے کا پلیئر آف دی ایئر کے لیے بھی ویرات کوہلی کا ہی انتخاب کیا۔
ویرات کوہلی نے ون ڈے میں ایک سال کے دوران 14 میچز کھیل کر 133.55 کی شاندار اوسط سے 6 سنچریوں کی بدولت ایک ہزار 2 سو 2 رنز اسکور کیے تاہم وہ ایشیا کپ میں شرکت نہیں کر سکے تھے۔
آئی سی سی ایوارڈ 2018 میں بھارتی وکٹ کیپر اور بیٹسمین رشبھ پنٹ سال کے بہترین ابھرتے ہوئی کھلاڑی قرار پائے۔
اسکاٹ لینڈ کے کیلم میک لائیڈ کو ایسوسی ایٹس ٹیموں میں بہترین کھلاڑی کا ایوارڈ ملا انہوں نے انگلینڈ اور افغانستان کے خلاف ون ڈے میچز دوران اپنی ٹیم کی جیت میں اہم کردار ادا کیا تھا۔
آئی سی سی ایوارڈز 2018 میں سری لنکا کے ایمپائر کمار دھرمیسینا ایک بار پھر بہترین امپائر کا ایوارڈ لے اڑے۔ انہیں دوسری بار یہ ایوارڈز دیا گیا ہے۔
آسٹریلوی بلے باز ایرون فنچ کی 172 رنز کی ریکارڈ توڑ اننگز ٹی 20 کی بہترین اننگز قرار پائی۔ انہوں نے زمبابوے میں ہونے والی سہ ملکی ٹی 20 سیریز میں 76 گیندوں پر ریکارڈ بنایا تھا۔