حیدرآباد : صوبائی وزیر ورکس اینڈ سروسز ناصر حسین شاہ نے کہا ہے کہ میں گورنمنٹ کالج حیدرآباد کی تاریخی عمارت کو دیکھ کر بہت متاثر ہوا ہوں۔ جلد ہی اس کالج کو یونیورسٹی کا درجہ دے دیا جائے گا۔
حیدرآباد میں میڈیا سے گفتگو کرتے ہوئے ان کا کہنا تھا کہ یونیورسٹی بنانے کے حوالے سے پاکستان پیپلز پارٹی (پی پی پی) کے چیئرمین بلاول بھٹو زرداری نے ہدایات جاری کردی ہیں۔
سانحہ ساہیوال کے حوالے سے بات کرتے ہوئے انہوں نے کہا کہ ساہیوال میں ہونے والا واقعہ نہایت افسوسناک ہے جو کہ غفلت کے باعث پیش آیا ہے۔
ان کا کہنا تھا کہ ساہیوال واقعے کی جوڈیشل انکوائری ہونی چاہیئے اور ملک میں جنگل کا قانون نہیں ہونا چاہیئے۔
پاکستان تحریک انصاف (پی ٹی آئی) حکومت پر تنقید کرتے ہوئے انہوں نے کہا کہ پی ٹی آئی والے ہر مسئلے کو اپنے سر لے لیتے ہیں۔
ان کا کہنا تھا کہ ایم کیو ایم والے بہت باتیں کرتے ہیں جو کہ ان کا حق ہے۔ پیپلز پارٹی کی حکومت نے راؤ انوار کو گرفتار کیا تھا لیکن اگر عدلیہ کسی کو رلیف دیتی ہے تو اس میں ہم کیا کر سکتے ہیں۔
