بیجنگ: چین میں کچھ صارفین کی رسائی کے لیے مائیکروسافٹ کے ’بنگ‘ کو بحال کر دیا گیا ہے۔
بنگ کی ویب سائٹ موبائلز اور براڈبینڈ کنکشنز کے ذریعے قابل رسائی تھی، اگرچہ بعض صارفین نے ابھی تک اس کے استعمال میں مشکلات پیش آنے کی شکایت کی ہے۔ ابھی یہ واضح نہیں کیا گیا کہ سروس کو دوبارہ شروع کرنا عارضی عمل ہے یا مستقل۔
مائیکروسافٹ نے تبصرہ کرنے کے لیے فوری طور پر درخواست کا جواب نہیں دیا۔ اس موقع پر ان کا کہنا تھا کہ ’بنگ‘ کو چین میں بلاک کر دیا گیا ہے اور اگلے مرحلے کا تعین کرنے کی کوشش کی جا رہی ہے۔
چینی حکومت کے سائبرسپیس ایڈمنسٹریشن(سی اے سی) نے کی سائٹ کی بحالی کے بارے میں فیکس کیے گئے سوالات کا ابھی تک جواب نہیں دیا۔
حکومتی پالیسی کے مطابق چین کی ’گریٹ فائروال‘ کے اندر موجود علاقوں میں تمام حساس موضوعات پر معلومات کی تلاش کے لیے بنگ ہی ایک واحد غیر ملکی سرچ انجن تھا۔
مینلینڈ چین میں اس کا مرکزی مدمقابل ’بیڈو‘ ہے، جس نے اس ہفتے سروس کے معیار کے بارے میں شکایت کے بعد انہیں بہتر بنانے کا وعدہ کیا۔
گوگل کے اس سرچ پلیٹ فارم کو سال 2010 میں چین کے تمام حصوں میں مکمل بلاک کر دیا گیا تھا۔ دسمبر میں گوگل کے چیف ایگزیکٹو آفیسر سندر پچائی کا کہنا تھا کہ ان کا اس انجن کو چین میں دوبارہ ترتیب دینے کا ابھی کوئی ارادہ نہیں ہے، کوئی منصوبہ نہیں ہے اگرچہ بڑی ٹیکنالوجی کمپنیوں کی بڑھتی ہوئی جانچ پڑتال کے سلسلے میں یہ خیال بڑھتا ضرور جا رہا ہے۔
چین کے صدر شی جن پنگ سال 2016 سے چین میں انٹرنیٹ کا کنٹرول تیز کر چکے ہیں کیونکہ حکمران کمونیسٹ پارٹی نے سوشل میڈیا پر اختلافات کو کچلنے کی کوشش کی ہے۔
بدھ کو ایک بیان میں، سی اے سی نے کہا کہ اس نے 7 ملین سے زائد آن لائن معلومات اور 9،382 موبائل ایپلی کیشنز کو مکمل طور پر ختم کیا ہے۔
سی اے اے نے ایک ٹیکنیکل کمپنی کی ”نازیبا معلومات” پھیلانے کے لئے بنائی گئی نیوز ایپلی کیشن ’ٹین سینٹ‘ پر بھی کڑی تنقید کی ہے۔
