اسلام آباد: وفاقی وزیر اطلاعات فواد چوہدری نے کہا ہے کہ للہ سے جہلم ڈبل روڈ وہاں کے عوام کی زندگیاں بدل دے گا۔
وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر کہا ہے کہ للہ سے جہلم بننے والا ڈبل روڈ بہت اہم تھا اور یہ قومی اسمبلی کی نشست 63 کے عوام کی زندگیاں بدل دے گا۔
فواد چوہدری نے ڈبل روڈ کے حوالے سے کہا کہ نہ صرف جہلم کی عوام بلکہ اسٹرٹیجک حوالے سے بھی موٹروے کو جی ٹی روڈ سے منسلک کرنا بھی بہت اہم تھا۔
للہ سے جہلم Dual road پورے جہلم خصوصاً این اے 63 کے عوام کی زندگیاں بدل دے گا، نہ صرف جہلم کے عوام بلکہ Strategic حوالے سے موٹر وے کو GT Road سے منسلک کرنا بھی بہت اہم تھا۔ وزیر اعلیَ عثمان بزدار کا بہت شکریہ کہ انھوں نے اس منصوبے کی اہمیت کو سمجھا۔ @UsmanAKBuzdar pic.twitter.com/omtBtn9xFZ
— Ch Fawad Hussain (@fawadchaudhry) January 29, 2019
فواد چوہدری نے وزیر اعلیٰ پنجاب عثمان بزدار کا شکریہ ادا کرتے ہوئے کہا کہ عثمان بزدار نے اس منصوبے کی اہمیت کو سمجھا۔