برف پوش پہاڑوں میں پولیو مہم چلانے والے ورکرز سے وزیراعظم کی ملاقات

وزیراعظم عمران خان سے پولیو ورکرز کی ملاقات

اسلام آباد: وزیراعظم عمران خان نے سوات کی برف پوش پہاڑیوں میں خدمات سرانجام دینے والے پولیو ورکرز سے ملاقات کی۔

سماجی رابطے کی ویب سائٹ ٹوئٹر پر وزیراعظم عمران خان اور پولیو ورکرز کی تصاویر شیئر کی گئیں۔

وزیراعظم عمران خان نے پولیو ورکرز کو جان فشانی کے ساتھ خون جما دینے والی سردی اور برف باری کے باوجود فرض شناسی کے مثال بننے پر زبردست خراج تحسین پیش کیا۔

اس موقع پر وزیراعظم نے پولیو سے ملک کو پاک کرنے کی حکمت عملی پر پولیو ورکرز سے بات چیت کی گئی، فوکل پرسن بابر بن عطا اور وفاقی وزیر عامر کیانی بھی ملاقات میں موجود تھے۔

وزیر اعظم کے فوکل پرسن بابر عطا نے بتایا کہ سوات اور لکی مروت سے تعلق رکھنے والے انسداد پولیو ورکرز کے کارکنان کا شاندار استقبال کیا گیا ہے۔

انہوں نے کہا کہ مجھے یہ جان کر انتہائی تعجب ہوا کہ ان پولیو ورکرز نے زندگی میں پہلی دفع اسلام آباد دیکھا ہے.

بعدازاں  وزیراعظم عمران خان سے ملاقات کا احوال بتاتے ہوئے پولیو ورکرز کا کہنا تھا کہ انہیں یقین نہیں ہو رہا کہ ان کی عمران خان سے ملاقات ہوئی ہے۔

واضح رہے سوشل میڈیا پر پولیو کے ورکرز کی برفباری کے دوران پولیو مہم کے لئے جاری رکھنے کی ویڈیو وائرل ہو گئی ،جس کے بعد ملک بھر سے لوگوں نے پولیو ورکرز کی کاوشوں کو سراہنا شروع کر دیا۔

متعلقہ خبریں

ٹاپ اسٹوریز