اسلام آباد: ضلع باجوڑ میں سال 2019 کے پہلے پولیو کیس کی تصدیق ہو گئی ہے۔ باجوڑ میں گزشتہ تین ماہ میں چھ پولیو کیس رپورٹ ہو چکے ہیں۔
وزیر اعظم کے معاون خصوصی برائے انسداد پولیو بابر بن عطا نے سماجی رابطے کی ویب سائٹ ٹوئٹر پر پولیو کیس کی تصدیق کرتے ہوئے کہا ہے کہ خیبر پختونخوا (کے پی) کے قبائلی ضلع باجوڑ میں گیارہ ماہ کے بچے میں پولیو وائرس کی تصدیق ہوئی ہے۔
Sad News: The ongoing active virus circulation in Bajour Tribal District has paralysed yet another child as Pakistan reports its 1st polio case of 2019 from Khar. The child is 11 months old. Bajour has now reported 6 polio cases alone during the last 3 months.
— Babar Atta (@babarbinatta) February 2, 2019
بابر بن عطا نے کہا کہ سال 18-2017 میں باجوڑ اور اس طرح کے دیگر اضلاع میں کوئی کارکردگی نہیں تھی اور پولیو کیس رپورٹ نہ ہونے پر خوشیاں منائی جا رہی تھیں۔
انہوں نے کہا کہ ضلع باجوڑ سے سات پولیو افسران کو لاپرواہی کی بنیاد پر برطرف کیا گیا تھا۔
بابر بن عطا نے کہا کہ لاہور اور فیصل آباد کے گٹر کے پانی میں بھی پولیو وائرس کی موجودگی کی تصدیق ہوئی ہے اور وہاں بھی پولیو کیس سامنے نہ آنے پر خوشیاں منائی جارہی ہیں۔
انہوں نے کہا کہ میرا اگلا ہدف راولپنڈی، لاہور اور فیصل آباد کی کارکردگی کا جائزہ لینا ہے۔