کراچی:پاکستان تحریک انصاف (پی ٹی آئی) کے رکن قومی اسمبلی عالمگیرخان نےانوکھا احتجاج کرتے ہوئےسیوریج کے پانی سے بھری بالٹی کووزیر اعلیٰ ہاؤس کے دروازے پر خالی کردیا۔
ہم نیوز کے مطابق ’فکس اٹ‘ کے بانی اور پاکستان تحریک انصاف کے این اے 243 سے منتخب رکن قومی اسمبلی عالمگیر خان نے شہرمیں گندگی کے خلاف ایک بار پھر انوکھا احتجاج کیا اورسیوریج کے پانی سے بھری بالٹی کووزیر اعلیٰ ہاوس کے دروازے پر خالی کردیا جبکہ وہاں تعینات پولیس اہلکار تماشا دیکھتے رہے۔
عالمگیر خان کے انوکھے احتجاج پر رد عمل دیتے ہوئے رہنما پیپلز پارٹی وزیربلدیات سندھ سعید غنی کا کہنا تھا کہ وزیراعلیٰ ہاؤس کے باہر کچرہ پھینکا گیا پی ٹی آئی کا یہ رویہ انتہائی قابل مذمت ہے، ہم بھی اپنے کارکنوں کو کہہ سکتے ہیں کہ وزیراعظم ہاؤس بنی گالہ اور وزرا کے گھروں کےباہر کچرہ پھینکیں۔
اُن کاکہنا تھا کہ پی ٹی آئی کایہ رویہ انتہائی قابل مذمت ہے۔ اگرسیاسی پوائنٹ اسکورنگ کرناہےتوگٹرکی ڈھکن کی جگہ خود بیٹھ جائیں۔
#Fixit – When injustice becomes law, Resistance becomes duty
عالمگیر خان نے کراچی کی سڑکوں پر موجود گندے پانی کو لے جاکر سی ایم ہاؤس کے باہر پھینک دیا.اس احتجاج کا مقصد سندھ کے نااہل حکمرانوں کو احساس دلانا ہے کہ کراچی کے لوگ کس گندگی میں زندگی گزار رہے ہیں. pic.twitter.com/thzt9avAW2
— Alamgir Khan (@AKFixit) February 11, 2019
سماجی رابطے کی ویب سائٹ ٹوئٹر پر عالمگیر خان کے انوکھے احتجاج کی ویڈیو وائرل ہونے کے بعد ٹوئٹر صارفین کی جانب سے بھی ردعمل آنا شروع ہو گیا ہے۔
ٹوئٹر کے ایک صارف نے اپنے رد عمل میں کہا کہ عالمگیر صاحب، کوئی شک نہیں، کہ آپ کراچی کے لیے درد دل رکھنے والے آدمی ہیں، کراچی صاف ہوگیا تو سمجھ لیں کہ آدھا ملک صاف ستھرا ہوگیا. آپ جیسے لوگوں کو سندھ کا وزیراعلیٰ ہونا چاہیے،ان شا اللہ، ان پی پی کے کٹھ پتلی لوگوں سے جلد سندھ کے عوام کی جان چھوٹنے والی ہے آپ کی محنت رنگ لائے گی۔
عالمگیر صاحب، کوئی شک نہیں، کہ آپ کراچی کے لیے درد دل رکھنے والے آدمی ہیں، کراچی صاف ہوگیا تو سمجھ لیں کہ آدھا ملک صاف ستھرا ہوگیا. آپ جیسے لوگوں کو سندھ کا وزیراعلیٰ ہونا چاہیے،ان شا اللہ، ان پی پی کے کٹھ پتلی لوگوں سے جلد سندھ کے عوام کی جان چھوٹنے والی ہے آپکی محنت رنگ لائے گی
— Sohail Shahid (@arneebsohail) February 11, 2019
ایک اور صارف نے پی ٹی آئی رہنما پر تنقید کرتے ہوئے کہا کہ یہ ڈرامے لگانا ختم کرو اور تمہیں کراچی کے لوگوں نے ووٹ دے کے اسمبلی بھیجا ہے تو ان کے لیے اسمبلی میں بات کرو اور ان کے متعلق کوئی پالیسی بناؤ جو ایک الیکٹڈ نمایندے کاکم ہوتا ہے اور جس سے عوام کو کوئی فائیدہ بھی ہو۔یہ بالٹیاں اوٹھا کر اور ٹریکٹر روڈوں پر گہوم کر ڈرامے نہ لگاؤ ۔
یہ ڈرامے لگانے ختم کرو اور تمہیں کراچی کے لوگوں نے ووٹ دے کے اسمبلی بہیجا ہے تو ان کے لیے اسمبلی میں بات کرو اور ان کے متعلق کوئی پالیسی بناؤ جو ایک الیکٹڈ نمایندے کاکم ہوتا ہے اور جس سے عوام کو کوئی فائیدہ بھی ہو۔یہ بالٹیاں اوٹھا کر اور ٹریکٹر روڈوں پر گہوم کر ڈرامے نہ لگاؤ ۔
— محمد شاہ میر شاہ (@Mss9292) February 11, 2019