امریکی گلو کار پٹ بل پاکستان سپر لیگ کی افتتاحی تقریب میں شریک نہیں ہوسکیں گے۔ امریکی گلو کار پٹ بل نے سوشل میڈیا پر جاری اپنے وڈیو پیغام میں شائقین سے معذرت کی ہے ۔ پٹ بل نے کہاہے کہ میں بہت خوش تھا کہ پی ایس ایل کی تقریب میں شرکت کروں گا مگر بدقسمتی سے طیارے کے انجن میں خرابی پیدا ہو گئی ہے۔
Breaking: Mr Worldwide has an important message for all #HBLPSL fans.
HBL PSL also apologises to all the lovely fans who were looking forward to the event. https://t.co/3sWNQVwxg3— PakistanSuperLeague (@thePSLt20) February 13, 2019
پٹ بل کا کہنا تھا کہ بہت لمبا سفر ہےاس لیے دبئی میں وقت پر نہیں پہنچ سکوں گا ۔ انہوں نے کہا کہ پاکستانی فین سے معذرت خواہ ہوں ۔پٹ بل نے کہاہے کہ وہ اگلے سال ضرور آئیں گے۔
ہم نیوز کے مطابق پی ایس ایل سیزن فور کی افتتاحی تقریب میں جنون گروپ اور آئمہ بیگ دبئی کی فضاؤں میں سر بکھیریں گے۔ انگلش بینڈ بھی اپنا رنگ جمانے کی کوشش کرے گا۔پی ایس ایل سیزن فور کا ٹائیٹل سانگ فواد خان کے حصے میں آئے گا ۔فواد خان ایک نئے انداز سے اسٹیج پر اپنے چاہنے والوں کے لیے جلوہ گر ہوں گے۔پی ایس ایل کا افتتاحی میچ، افتتاحی تقریب کے بعد لاہورقلندرز اور دفاعی چیمپئن اسلام آباد یونائیٹڈ کے درمیان کھیلا جائے گا۔