مقبوضہ کشمیر: مقبوضہ کشمیر میں کار بم دھماکے میں 44 بھارتی فوجی ہلاک ہوگئے ہیں جبکہ متعدد زخمی ہوگئے ہیں۔
ذرائع کے مطابق دھماکے سے فوجیوں کو لے جانے والے دو بسوں کو نقصان ہوا۔ دھماکہ ضلع پلوامہ کے علاقے اوانتی پورہ میں ہوا۔ فوجی کانوائے میں 70 گاڑیاں شامل تھیں جو جنوں سے سری نگر جا رہی تھیں۔
ذرائع کا کہنا ہے کہ گزشتہ تین برس کے دوران بھارتی فوج پر ہونے والا بدترین حملہ ہے جس میں بھارتی فورسز کی اتنی بڑی تعداد میں ہلاکتیں ہوئیں ہیں۔
بھارتی فورسز کے مطابق حملہ آوروں نے کار بھارتی فوجیوں کی ایک بس سے ٹکرا دی جبکہ قافلے میں شامل دونوں بسوں میں ڈھائی ہزار اہلکار موجود تھے۔
غیر ملکی خبر رساں ادارے کا کہنا ہے کہ حملے میں کم ازکم 20 اہلکار زخمی بھی ہوئے۔ دھماکے کے بعد ہرطرف دھواں پھیل گیا جبکہ انسانی اعضا سڑک پر بکھر گئے۔ بھارتی وزیراعظم نریندر مودی نے حملے کی مذمت کرتے ہوئے کہا کہ بھارتی فوجیوں کی قربانی ضائع نہیں جائے گی۔
انہوں نے اپنے ٹویٹ پیغام میں لکھا کہ پوری بھارتی قوم متاثرہ خاندانوں کے شانہ بشانہ کھڑی ہے۔
Attack on CRPF personnel in Pulwama is despicable. I strongly condemn this dastardly attack. The sacrifices of our brave security personnel shall not go in vain. The entire nation stands shoulder to shoulder with the families of the brave martyrs. May the injured recover quickly.
— Narendra Modi (@narendramodi) February 14, 2019
واضح رہے ایک روز قبل مقبوضہ کشمیر کے ایک اسکول میں دھماکے کے باعث 25 اسٹوڈنٹس زخمی ہوگئے تھے جبکہ وادی میں بھارتی فورسز کی جانب سے مسلسل نہتے کشمیریوں کو نشانہ بنانے کا سلسلہ جاری ہے۔