اسلام آباد: وزیر اطلاعات و نشریات چوہدری فواد حسین نے کہا ہے کہ ان کے پاکستان ٹیلی ویژن (پی ٹی وی) انتظامیہ کے ساتھ کئی معاملات پر اختلافات ہیں۔
اپنے ٹوئٹر پیغام میں ان کا کہنا تھا کہ پی ٹی وی انتظامیہ ابھی تک بچوں کا چینل شروع نہیں کر سکی۔
Major issue with PTV administration (among others) is their failure to launch channel for kids and revamping of #PTVWorld , in recent crisis we terribly missed our English News Channel https://t.co/TLLDXi8NP7
— Ch Fawad Hussain (@fawadchaudhry) March 1, 2019
انہوں نے کہا کہ پی ٹی وی انتظامیہ پی ٹی وی ورلڈ کی تنظیمِ نو کرنے میں بھی ناکام رہی جبکہ موجُودہ بحران کے دوران ہمیں انگریزی چینل کی کمی شدت سے محسوس ہوئی۔
خیال رہے کہ کچھ روز قبل پی ٹی وی میں تقرریوں کے معاملے پر چوہدری فواد حسین نے اپنے ہی پارٹی رہنما نعیم الحق کو دبے لفظوں میں سخت پیغام دیا تھا۔
نعیم الحق نے اپنے ٹوئٹ میں کہا کہ وزیراعظم عمران خان کو پی ٹی وی اور اس کی انتظامیہ پر مکمل بھروسہ ہے۔
ان کا کہنا تھا کہ وزیراعظم عمران خان چاہتے ہیں کہ بی بی سی کی طرز پر پی ٹی وی ایک آزاد ادارے کی طرح کام کرے۔
ان کا مزید کہنا تھا کہ حکومت اسے یقینی بنانے کے لیے تمام تر اقدامات کرے گی۔
ہوا ہے شہ کا مصاحب پھرے ہے اتراتا
وگرنہ شہر میں غالبؔ کی آبرو کیا ہے ?? https://t.co/NCMLqZSu6C— Ch Fawad Hussain (@fawadchaudhry) February 20, 2019
اس ٹوئٹ کا جواب فواد چوہدری نے شاعرانہ انداز میں کچھ اس انداز میں دیا۔
ہوا ہے شہ کا مصاحب پھرے ہے اتراتا
وگرنہ شہر میں غالبؔ کی آبرو کیا ہے
All the newcomers in PTI must understand and follow the philosophy of Imran Khan. PTI is a strong ideological movement and its success has been due to steadfast determination of its leader to pursue justice and fairness. Anyone thinking otherwise has no future in the party.
— Naeem ul Haque (@naeemul_haque) February 20, 2019
بعدازاں فواد چوہدری کے ٹوئٹ پر اپنے ردعمل میں نعیم الحق نے کہا کہ پی ٹی آئی میں نئے آنے والوں کو عمران خان کے فلسفے کو سمجھنا اور اس پر عمل کرنا ہو گا۔
انہوں نے کہا کہ پی ٹی آئی ایک مضبوط نظریاتی تحریک ہے، تحریک انصاف کی کامیابی قیادت کے پر عزم ہونے کی وجہ سے ہے۔
نعیم الحق کے مطابق پارٹی قیادت نے انصاف اور شفافیت کا علم بلند کیا ہوا ہے، قیادت کے نظریہ کے مخالف کا پارٹی میں کوئی مستقبل نہیں۔