اسلام آباد : حکومت نے سوشل میڈیا پر پولیو ویکیسن مخالف مواد پر حتمی ایکشن لینے کا فیصلہ کرلیا۔
ہم نیوز کے مطابق فیس بک اور یوٹیوب سے مواد ہٹانے کے لئے ہنگامی مراسلہ جاری کردیا گیا جو وزیراعظم کے معاون برائے انسداد پولیو بابربن عطا نے جاری کیا۔
I have written to Chairman PTA on the unchecked anti Polio Vaccine Videos available on @YouTube and @facebook. Fake content is causing serious damage to our polio eradication efforts. Pakistan looks forward to support of DG WHO, ED UNICEF & President BMGF in this regard. pic.twitter.com/sqNx8Qvt7m
— Babar Atta (@babarbinatta) March 8, 2019
مراسلے میں چئیر مین پی ٹی اے سے پولیو مخالف مواد پر فوری اقدامات کا مطالبہ کیا گیا ہے۔
مراسلے کے مطابق پاکستان کو پولیو کے خاتمے میں والدین کے شدید انکار کا سامنا ہے، فیس بک اور یو ٹیوب پر منفی پروپیگنڈہ پولیو فری منزل کی بڑی رکاوٹ ہے۔
یوٹیوب اور فیس بک پر منفی پروپیگنڈا سے ایک لاکھ سے زیادہ بچے پولیو کےقطروں سے محروم رہ جاتے ہیں، کیا یو ٹیوب اور فیس بک دنیا سے پولیو کا خاتمہ نہیں چاہتے۔
خیال رہے کہ اس سے قبل پولیو سے متعلق فوکل پرسن نے انکشاف کیا تھا کہ کراچی اور لاہور سمیت پاکستان کے 10 بڑے شہروں کے گٹر کے پانی میں پولیو وائرسموجود ہے۔
ان کا کہنا تھا کہ شہروں میں فیصل آباد، لاہور، راولپنڈی، کراچی، سکھر، قلعہ عبداللہ، کوئٹہ، ڈی آئی خان، پشاور اور جنوبی وزیرستان کے شہر شامل ہیں۔
انہوں نے کہا کہ وائرس کی تصدیق اس بات کی نشاندہی کرتی ہےکہ بچوں کو پولیو کا خطرہ ابھی بھی مو جودہے۔ فوکل پرسن کا کہنا تھا کہ پانچ سال سے کم عمر بچوں کو پولیو کے قطرے پلانا قومی فریضہ ہے۔
ان کا مزید کہنا تھا کہ پیر سے شروع ہونے والی مہم میں والدین اپنے بچوں کوانسداد پولیو قطرے ضرور پلائیں۔
