اسلام آباد: وفاقی وزیر برائے اطلاعات و نشریات فواد چوہدری نے بھارتی کرکٹ ٹیم کی جانب سے فوج کی ٹوپیاں پہن کر میچ کھیلنے کے حوالے سے کہا ہے کہ امید ہے آئی سی سی کرکٹ کو سیاست کی نذر کرنے کا نوٹس لے گا۔
“It’s just not Cricket”, I hope ICC ll take action for politicising Gentleman’s game … if Indian Cricket team ll not be stopped, Pak Cricket team should wear black bands to remind The World about Indian atrocities in Kashmir… I urge #PCB to lodge formal protest pic.twitter.com/GoCHM9aQqm
— Ch Fawad Hussain (@fawadchaudhry) March 8, 2019
اپنے ٹوئٹر پیغام میں ان کا کہنا تھا کہ اگر بھارتی کرکٹ ٹیم کو نہ روکا گیا تو پاکستان کرکٹ ٹیم کالی پٹیاں باندھ کر کھیلے گی۔
فواد چوہدری کا کہنا تھا کہ کالی پٹیاں باندھ کر بھارت کے کشمیریوں پر روا مظالم سے دنیا کو آگاہ کیا جائے گا۔
انہوں نے پاکستان کرکٹ بورڈ پر بھی زور دیا کہ وہ آئی سی سی سے اس حوالے سے شکایت کرے۔
خیال رہے کہ بھارتی کھلاڑیوں نے آسٹریلیا کے خلاف ون ڈے میچ میں فوجی ٹوپیاں پہن کر جینٹلمین گیم کو سیاست کی نذر کرنے کی کوشش کی تھی اس کے باوجود بھی اسے کینگروز کے ہاتھوں 32 رنز سے شکست کا سامنا کرنا پڑا۔
