کراچی: پاکستان پیپلزپارٹی رہنما مرتضیٰ وہاب نے کہا ہے کہ موجودہ حکومت سات ماہ میں عوام کو صرف ٹوپیاں پہنائی ہیں، پاکستانی عوام کو 10 نوکریاں بھی نہیں دیں اور ہر فیصلے پر یوٹرن لیا ہے۔
کراچی میں میڈیا سے بات کرتے ہوئے کہا کہ موجودہ حکومت عوام کو کوئی بھی ریلیف نہیں دے سکتی، جب تک موجودہ حکومت سندھ کے آئینی حقوق نہیں دے گی اس وقت تک آواز اٹھاتے رہیں گے، پی ٹی آئی نے یقین دہانی کرائی تھی کہ سندھ کو حصے کا پانی دیا جائے گا لیکن ایسا نہیں ہوا۔
ایک سوال کے جواب میں انہوں نے کہا مدینے کی ریاست بن چکی ہے اب ریاست کے سربراہ سے پوچھیں کہ کراچی میں کتنے پیسے لگائے اب تک، اس وقت کراچی کی عوام جیتنے والوں کو تلاش کررہی ہے، موجودہ حکومت نے لوگوں سے کیے گئے وعدے پورے نہیں کیے۔
ان کا کہنا تھا سندھ کو این ایف سی ایوارڈ سے پیسے
لیاری کے عوام کو نر کے بچے کی تلاش
پی پی پی رہنما نے کہا کہ لیاری کے عوام اس نر کے بچے اسد عمر کو ڈھونڈ رہی ہے جس نے وعدے کیے تھے، وی 14 سڑکیں ہماری پارٹی لیاری پیکج کے اند لے کر آرہی اور آئندہ چند ماہ میں لیاری کا نقشہ تبدیل ہوچکا ہوگا۔
انہوں نے کہا کہ اگرحکومت قوم کے سامنے سچ بولتی تو آج جگ ہنسائی نہ ہوتی، ان لوگوں کا مقصد سستی شہرت ہے ، عوام کی خدمت موجودہ حکومت کا مقصد نہیں ہے۔
مرتضی وہاب نے کہا کہ پی ٹی آئی بار بار جھوٹے وعدے عوام سے کیے، جس نازک دور سے ملک گزر رہا ہے اگر حکومت کو چاہیے کہ باتیں چھوڑ کر کام شروع کرے۔
پی پی رہنما کا کہنا تھا کہ کراچی میں سارا کام سندھ حکومت کروا رہی ہے، موجودہ حکومت کچھ نہیں کر رہی۔
