1
کراچی: پاکستان سپر لیگ (پی ایس ایل) سیزن فور کے پہلے ایلیمینیٹرمیں اسلام آباد یونائیٹڈ نے کراچی کنگز کو چار وکٹوں سے شکست دے کر اگلے مرحلے کے لیے کوالیفائی کرلیا ہے۔
کراچی کنگز کے کپتان عماد وسیم نے ٹاس جیت کر پہلے بیٹنگ کا فیصلہ کیا جو ابتدا میں درست ثابت ہوا۔
SIX! @HussainTallat12 attacks Umer Khan and benefits a maximum on the very last ball of his spell. Islamabad United are 92/3 after 13 overs
Ball-by-ball scorecard ? https://t.co/eNCXIuAbZD #IUvKK #PSL2019 #KhelDeewanoKa #CricketForAll pic.twitter.com/yKFvQjIL5T
— Cricingif (@_cricingif) March 14, 2019
کراچی کے اوپنرز نے اپنی ٹیم کا انتہائی جارحانہ آغاز فراہم کیا۔ اوپنر کولن منرو نے 11 گیندوں پر 32 رنز کی اننگز کھیلی تاہم پھر وہ آؤٹ ہوگئے۔
ان کے علاوہ بابر اعظم 42، لیونگ اسٹون 30 اور کولن انگرام 23 رنز کے ساتھ نمایاں رہے۔
16ویں اوور میں کراچی کنگز کے 139 رنز بنالیے تھے جبکہ اس کی صرف تین ہی وکٹیں گری تھیں تاہم اختتامی اوورز میں پے در پے وکٹیں گرنے کے باعث کنگز بڑا ہدف دینے میں ناکام رہے۔
اسلام آباد یونائیٹڈ کی جانب سے محمد موسیٰ نے تین، فہیم اشرف نے دوجبکہ شاداب خان اور رومان رئیس نے ایک، ایک کھلاڑی کو آؤٹ کیا۔
SIX AND OUT! MUSA REMOVES COLIN MUNRO @manuz05 hits Musa for the maximum, but the youngster has his revenge and Karachi Kings are 56/1 after 4 overs
Ball-by-ball scorecard ? https://t.co/eNCXIuAbZD #PZvQG #PSL2019 #KhelDeewanoKa #CricketForAll #OyeHoyeMoments pic.twitter.com/VSexwoh6pv
— Cricingif (@_cricingif) March 14, 2019
جواب میں اسلام آباد یونائیٹڈ نے ہدف آخری اوور میں چار وکٹوں کے نقصان پر حاصل کرکے اگلے مرحلے کے لیے کوالیفائی کرلیا ہے جہاں اس کا مقابلہ پشاور زلمی سے ہوگا۔ اس میچ کی فاتح ٹیم فائنل میں کوئٹہ گلیڈی ایٹرز کے ساتھ مقابلہ کرے گی۔
یونائیٹڈ کی جانب سے ڈیلپورٹ 38، ایلکس ہیلز 41 جبکہ حسین طلعت 32 رنز کے ساتھ نمایاں رہے۔
This victory is dedicated to @AasifAli2018’s daughter, she isn’t well. Please pray for her. The entire team is united behind Asif bhai. May she get well soon. #UnitedWeWin
— Shadab Khan (@76Shadabkhan) March 14, 2019
آصف علی (24) اور فہیم اشرف (17) کے درمیان جارحانہ شراکت نے بھی اسلام آباد کی جیت میں اہم کردار ادا کیا۔
کراچی کی جانب سے عامر یامین اور عمر خان نے دو، دو جبکہ محمد عامر اور عثمان شنواری نے ایک، ایک کھلاڑی کو پویلین لوٹایا۔
پشاور زلمی اور اسلام آباد یونئیٹڈ کے درمیان فائنل کے لیے مقابلہ کل ہوگا۔
