اسلام آباد: دفتر خارجہ نے نیوزی لینڈ میں دہشتگردی کے واقعے میں 6 پاکستانیوں کی شہادت کی تصدیق کردی ہے۔
ترجمان دفتر خارجہ ڈاکٹر محمد فیصل نے اپنے ٹوئٹر پیغام میں کہا کہ شہدا میں سہیل شاہد، سید جہانداد علی، سید اریب احمد، محبوب ہارون، نعیم رشید اور طلحہ نعیم شامل ہیں۔
ترجمان نے کہا کہ تمام شہدا کی شہادت کی تصدیق نیوزی لینڈ حکام کی جانب سے کی گئی، بقیہ تین گمشدہ افراد کی شناخت کا عمل جاری ہے۔
Terrorism in #NewZealand: Mr. Sohail Shahid, Syed Jahandad Ali, Syed Areeb Ahmed, Mr. Mahboob Haroon, Mr. Naeem Rashid and his son Mr. Talha Naeem have been announced dead by #NewZealand authorities. Other 3 missing are still being identified. #ChristchurchMosqueShooting
— Dr Mohammad Faisal (@DrMFaisal) March 16, 2019
ڈاکٹر محمد فیصل نے بتایا ہے کہ نیوزی لینڈ میں دہشتگردی کے واقعے میں شہید ہونے والوں کے اہلخانہ سے پاکستانی حکام رابطے میں ہیں۔
ان کا کہنا تھا کہ حملے میں شہید ہونے والوں کا پوسٹ مارٹم مقامی قوانین کے مطابق ہوا۔ ان کا کہنا تھا کہ مقامی پولیس کی جانب سے 74 گمشدہ افراد کی فہرست جاری کی گئی تھی۔
انہوں نے بتایا کہ یہ فہرست اہل خانہ اور سفارتی مشنز کی مدد سے تیار کی گئی، مقامی پولیس نے بتایا ہے کہ ان کے پاس 49 لاشیں ہیں۔
Our High Commission in New Zealand has reached out to the families of the victims and extended, first and foremost, condolences to the bereaved families. The High Commission will extend full support to them in this hour of grief.#ChristchurchTerrorAttack
— Dr Mohammad Faisal (@ForeignOfficePk) March 16, 2019
ترجمان دفتر خارجہ کا مزید کہنا تھا کہ ہمارا سفارتی مشن کرائسٹ چرچ میں موجود ہے اور حکام سے رابطے میں ہے۔
یہ بھی پڑھیں نیوزی لینڈ: دو مساجد پر فائرنگ، جاں بحق افراد کی تعداد 50 ہوگئی
ترجمان دفتر خارجہ نے کہا کہ کرائسٹ چرچ دہشت گرد حملے میں شہید ہونے والے نعیم راشد اور اس کے بیٹے کو کرائسٹ چرچ میں دفن کیا جائے گا جس کے انتظامات جاری ہیں۔
Mr. Naeem Rashid and his son will be buried in Christchurch Arrangemets for the burial are in place
Muslim& Pakistani Association in the city has assisted in arrangements.
Mission is working with families of other 4 victims for possible transport of dead bodies to #Pakistan— Dr Mohammad Faisal (@ForeignOfficePk) March 16, 2019
انہوں نے بتایا کہ مسلمانوں اور کرائسٹ چرچ میں پاکستان ایسوسی ایشن کے ممبران نے انتظامات میں مدد فراہم کی ہے۔
ان کا کہنا تھا کہ مزید چار میتوں کو پاکستان بھجوانے کیلئے مشن لواحقین سے رابطے میں ہے۔
متاثرہ افراد کے اہل خانہ کے لیے ویزا سہولت دینے کا اعلان
دوسری جانب حکومت نے دہشت گرد حملے میں متاثرہ افراد کے اہل خانہ کے لیے ویزا سہولت دینے کا اعلان کردیا۔
ترجمان کے مطابق دفتر خارجہ لواحقین کے لیے نیوزی لینڈ کے ویزا کے لیے معاونت فراہم کرے گا، متاثرہ افراد کے اہل خانہ ویزے کے لیے درخواست دیں۔
ترجمان کا کہنا تھا کہ ویزے کے لیے درخواست نمبر، پاسپورٹ کاپی نیوزی لینڈ کے اعزازی قونصل جنرل کو بھیجی جائیں۔
سانحہ کرائسٹ چرچ میں جاں بحق ہونے والوں میں 3 بھارتی باشندے بھی شامل ہیں۔ محمد فرہاج احسن اور محمد عمران کا تعلق ریاست کیرالا سے ہے۔
اسکے علاوہ جاں بحق ہونے والوں میں 25 سالہ بھارتی خاتون آنسی علی بھی شامل ہیں۔ بھارت نے سانحہ کرائسٹ چرچ میں 9 شہریوں کے لاپتہ ہونے کا اعلان کیا تھا۔
خیال رہے کہ گزشتہ روز نیوزی لینڈ کے شہر کرائسٹ چرچ میں ایک آسٹریلوی شخص نے دو مساجد میں فائرنگ کرکے 49 نمازیوں کو شہید کردیا تھا۔
اس حملے کےبعد سے کئی پاکستانی لاپتہ ہیں۔ اس حوالے سے نیوزی لینڈ میں موجود پاکستانی حکام سرگرم ہیں۔
نیوزی لینڈ کی مساجد پر ہونے والے حملے کو نیوز لینڈ کی وزیر اعظم دہشت گردی کا واقعہ قرار دے چکی ہیں لیکن اس کے باوجود مغربی اداروں نے اسے دہشت گرد حملہ لکھنے سے گریز کیا ہے جس پر سوشل میڈیا صارفیں خاصے برہم ہیں۔
