لاہور: مریم نواز نے کہا ہے کہ میں والد سے ملنے کی اجازت کا انتظار کررہی ہو۔ نوازشریف کی طبیعت ٹھیک نہیں، پانچ روز سے والد سے کوئی رابطہ نہیں۔
I am still waiting for the permission to meet MNS. He is unwell & its been 5 days that I have no access to him. Not even his personal physician has been allowed to see him.
A humble reminder: Force of retribution never sleeps.— Maryam Nawaz Sharif (@MaryamNSharif) March 18, 2019
سماجی رابطے کی ویب سائٹ پر کیے گئے اپنے ایک ٹویٹ میں انہوں نے کہا کہ ذاتی معالج کو بھی سابق وزیراعظم سے ملنے نہیں دیا گیا۔
اپنے ایک اور ٹویٹ میں انہوں نے کا کہا کہ کوئی طریقہ نہیں کہ کیسے والد کی خیریت دریافت کروں۔
اور کوئی طریقہ بھی نہیں کہ میں ان کی خیریت معلوم کر سکوں یا طبیعت کا پوچھ سکوں۔ میں بہت پریشان ہوں کیونکہ انہوں نے کہا تھا کہ خدا نا خواستہ کچھ ہوا تو وہ کسی سے نہیں کہیں گے۔ کوئی خبر نہیں ان کی۔ آپ سب ان کو دعاوں میں یاد رکھنا۔ https://t.co/cnjnjZva5I
— Maryam Nawaz Sharif (@MaryamNSharif) March 18, 2019
اس سے قبل پاکستان مسلم لیگ ن کی ترجمان مریم اورنگزیب نے اپنے ایک بیان کہا کہ ایک بیمار والد سے اس کی بیٹی کو ملنے سے روکنا بلیک میلنگ اور مجرمانہ ذہنیت کی انتہا ہے۔
یہ بھی دیکھیں: نوازشریف حکومت سے کبھی صحت کی بھیک نہیں مانگیں گے،مریم اورنگزیب
انہوں وزیراعظم کو مخاطب کرتے ہوئے کہا کہ عمران نیازی صاحب باپ اور بیٹی کے رشتے کی اہمیت کیا جانیں ؟ْ مریم اورنگزیب نے الزام عائد کیا کہ عمران خان کا مریم نواز کو نواز شریف سے نہ ملنے دینے کا حکم ان کی ذہنی و اخلاقی پستی کا عکاس ہے۔
ان کا کہنا تھا کہ انسانی اقدار، قانونی تقاضوں کے منافی یہ انتہائی افسوسناک اور قابل مذمت رویہ ہے۔ عمران خان اپنے عمل سے ثابت کر رہے ہیں کہ وہ کس ذہنیت کے مالک ہیں۔
جب اس بارے میں ہم نیوز ویب کی جانب سے وفاقی وزیر اطلاعات فواد چوہدری سے رابطہ کیا گیا تو انہوں نے کہا کہ وہ اس بارے میں کوئی رائے نہیں دینا چاہتے۔
