سانحہ کرائسٹ چرچ کے تمام شہدا کا پوسٹ مارٹم مکمل

سانحہ کرائسٹ چرچ کے تمام شہداکا پوسٹ مارٹم مکمل کرلیاگیا،نیوزی لینڈ پولیس

فوٹو: فائل


سانحہ کرائسٹ چرچ کے تمام شہدا کا پوسٹ مارٹم مکمل کرلیاگیا ہے۔شہدامیں سے12کی شناخت  بھی مکمل طورپرکرلی گئی ہے۔
نیوزی لینڈ پولیس کے مطابق شہدا کی میتیں لواحقین کےحوالےکرنےکا کام جلد مکمل کرنےکی کوشش کررہےہیں۔ شہدامیں سے6کی میتیں لواحقین کےحوالےکردی گئی ہیں۔

یاد رہے کہ گزشتہ جمعے یعنی 15مارچ  کو نیوزی لینڈ میں نامعلوم  مسلح شخص  نے نماز جمعہ کی ادائیگی کے لیے مسجد میں موجود افراد پر اندھا دھند فائرنگ کردی تھی۔غیر ملکی خبررساں ایجنسی کے مطابق اس دہشتگرد حملے میں کم ازکم 50 افراد جاں بحق اور درجنوں افراد زخمی ہوگئے تھے۔

واضح رہے کہ  سانحہ کرائسٹ چرچ میں شہید ہونے والے پاکستانیوں کی تعداد نو (9)  ہے۔ یہ بات دو روز قبل دفتر خارجہ کے ترجمان ڈاکٹر فیصل نے سماجی رابطے کی ویب سائٹ ’ ٹوئٹر‘ پر جاری کردہ اپنے پیغام میں بتائی تھی۔


متعلقہ خبریں