وزیر اعظم اور بلاول بھٹو کی ہندو برادری کو ہولی کی مبارکباد

March 20, 2019
ویب ڈیسک

فوٹو: فائل


اسلام آباد: پاکستان سمیت دنیا بھر میں آج ہندوبرادری موسم بہار کے استقبال کے لیے رنگوں بھرا تہوار ہولی منارہی ہے ۔ وزیر اعظم عمران خان اور چیئرمین پیپلزپارٹی بلاول بھٹو سمیت دیگر سیاسی رہنماؤں نے ہندو برادری کو ہولی کی مبارک باد دی ہے۔

سماجی رابطے کی ویب سائٹ ٹوئٹر پر وزیر اعظم نے پاکستان میں موجود ہندو برادری کو ہولی کی مبارکباد دیتے ہوئے کہا کہ ہولی رنگوں کا تہوار اور امن کی علامت ہے۔

چیئرمین پیپلز پارٹی بلاول بھٹو زرداری نے بھی ٹوئٹر پر ہندو برادری کو ہولی کی مبارکبا دیتے ہوئے لکھا کہ آئیں اس خوشی کے موقع پر امن اور خوشی کا پیغام پھیلائیں۔

پاکستان میں آج ہندو برادری جوش و جذبے کے ساتھ ہولی کا تہوار منا رہی ہے جب کہ حکومت کی جانب سے ہندو کمیونٹی کے لیے عام تعطیل کا اعلان کیا گیا ہے۔

ہولی موسم بہار کے آغاز میں منایا جانے والا ہندوؤں کا مشہور تہوار ہے۔یہ تہوار موسم بہار کی آمد کے علاوہ اچھی فصل ہونے کی خوشی میں بھی منایا جاتا ہے۔ اس موقع پر ہندوبرادری کی جانب سے رقص کیا جاتا ہے اور گیت گائے جاتے ہیں جب کہ ایک دوسرے کو رنگوں سے نہلایا جاتا ہے۔

یہ بھی پڑھیں یونیورسٹی آف سندھ جامشورومیں ہولی منانے کی اجازت

ہندو عقائد کے مطابق اس دن حق کو باطل پر فتح ہوئی تھی۔ پاکستان میں بھی ہندوؤں کی بڑی تعداد آباد ہے جس میں زیادہ تر پنجاب اور سندھ میں ہے۔

پوری دنیا میں بسنے والے ہندوؤں کے لیے یہ دن بہت اہم ہوتا ہے اور اسے انتہائی جوش و جذبے سے منایا جاتا ہے۔

پاکستان میں ہندوؤں کے سب سے بڑے سماجی رہنما بھگوان داس چٹیا نے کہا کہ ہمیں پاکستان میں مکمل آزادی ہے اور ہم پاکستان میں بہت خوش ہیں۔ پاکستان ہمارا ملک ہے اور ہولی کے دن ہندو کمیونٹی خاص طور پر پاکستان کی سلامتی کے لیے پوجا کر رہی ہے۔


ٹیگز :
متعلقہ خبریں
Shahid Khakan

حکومت کا کام دعویٰ کرنا نہیں، کام کر کے دکھانا ہے، شاہد خاقان عباسی
Faisal wawda

پارٹی کے لوگوں نے بانی پی ٹی آئی کو مروایا، فیصل واوڈا
foreign ministry

پاکستان نے امریکی رپورٹ کو متعصبانہ قرار دیتے ہوئے مسترد کر دیا