کراچی: قومی کرکٹ ٹیم کے کپتان سرفرازاحمد کی اپنے بیٹے کے ساتھ گلی میں کرکٹ کھیلنے کی ویڈیو سوشل میڈیا پر وائرل ہوگئی ہے۔
سرفرازا حمد کی اہلیہ نے قومی کپتان کی گلی میں بیٹے کے ساتھ کرکٹ کھیلنے کی ویڈیو شئیر کی اور ساتھ لکھا کہ نماز عصر کے بعد کچھ یوں ہورہا ہے آج کل۔
Namaz e asr k baad kuch youn horaha hai aj kal?⭐️ pic.twitter.com/jeStYH9xW7
— Khushbakht Sarfaraz (@sarfarazkhush) March 21, 2019
سرفراز احمد نے بھی بیٹے کے ساتھ کرکٹ کھیلنے کی ویڈیو شئیر کی اور لکھا کہ کچھ عرصہ پہلے تک میں اس گلی میں کھیلتا تھا، اب میرے بیٹے کی باری ہے۔
Kuch arsy pehly tak main is gali main khela krtatha, ab Mashallah se mery bety ki bari hai? pic.twitter.com/Uxzx01UeuW
— Sarfaraz Ahmed (@SarfarazA_54) March 22, 2019
سرفراز احمد کی بیٹے کے ساتھ کرکٹ کھیلنے کی ایک ویڈیو سوشل میڈیا پر پہلے بھی وائرل ہوچکی ہے جس میں ان کا بیٹا انہیں باؤلنگ کوارہا ہے۔
واضح رہے کرکٹ ٹیم کے کپتان کو آسٹریلیا کے خلاف ایک روزہ سیریز میں آرام دیا گیا ہے تاہم ان دنوں بھی وہ کرکٹ کھیلنے میں مصروف ہیں۔
دوسری طرف ہم نیوز کے مطابق ورلڈ کپ سے پہلے اہم سیریز میں سرفراز احمد کو آرام دیئے جانے اور شعیب ملک کو کپتان بنانے پر تنقید کی گئی ہے اور اس حوالے سے سرفرار احمد بھی خوش نہیں ہیں۔
سرفراز احمد نے ان باتوں کو غلط قرار دیتے ہوئے کہا ہے کہ اس فیصلے میں ان کی اپنی مرضی بھی شامل ہے۔
پی ایس ایل فور کی چیمپئن ٹیم کے کپتان سرفراز احمد اور دیگر کھلاڑی پاکستان ڈے کوئٹہ میں منائیں گے، اسی سلسلے میں وزیراعلی ہاؤس میں ایک تقریب کا بھی اہتمام کیا گیا ہے۔+
یہ بھی پڑھیں: وزیراعظم کی پی ایس ایل انتظامیہ،گلیڈی ایٹرزکومبارک باد
تقریب میں پاکستان ڈے کےساتھ ساتھ کوئٹہ گلیڈی ایٹرز کی ٹیم کے چیمپئن بنے کا جشن بھی منایا جائے گا۔
پاکستان اور آسٹریلیا کے درمیان پانچ ایک روزہ میچوں کی سیریز کھیلی جارہی ہے جس میں سرفراز احمد کی جگہ ٹیم کی قیادت شعیب ملک کررہے ہیں، سرفراز احمد سمیت چھ کھلاڑیوں کو ورلڈ کپ سے قبل آرام کا موقع دیا گیا ہے۔
اس سے پہلے سرفراز احمد جنوبی افریقہ کے خلاف ایک روزہ میچ کے دوران نسل پرستانہ جملے کہنے پر چار میچوں کی پابندی کا بھی سامنا کرچکے ہیں۔
