نئی دہلی: بھارتی سیاسی جماعت کانگریس کے صدر اور رکن پارلیمنٹ راہول گاندھی نے گڑ گاؤں میں مسلم گھرانے کو انتہا پسندوں کی جانب سے تشدد کا نشانہ بنانے کو شدید تنقید کا نشانہ بنایا ہے۔
اپنے ٹوئٹر پیغام میں ان کا کہنا تھا کہ ہر محب وطن شخص ویڈیو دیکھنے کے بعد کراہیت محسوس کرتا ہے۔
Every Patriotic Indian is disgusted by the video of a family in #Gurugram being mercilessly beaten by hooligans. The RSS/ BJP channelises bigotry & hatred for political power. This incident serves as a warning of the dangerous consequences & the dark side of that strategy.
— Rahul Gandhi (@RahulGandhi) March 23, 2019
انہوں نے کہا کہ آر ایس ایس اور بے جے پی سیاسی مفادات کے لیے نفرت کو ہوا دیتے ہیں۔
ان کا مزید کہنا تھا کہ یہ واقعہ اس بات کی یاددہانی ہے کہ بی جے پی کی حکمت عملی کے کیا سنگین نتائج برآمد ہوسکتے ہیں۔
مزید پڑھیں: ’پاکستان جاؤ‘: بھارتی انتہا پسندوں کا مسلم گھرانے پر تشدد
خیال رہے کہ گزشتہ روز سوشل میڈیا پر ایک ویڈیو وائرل ہوئی تھی جس میں کچھ انتہا پسند ایک مسلم گھرانے کا تشدد کا نشانہ بنارہے ہیں۔
بھارتی میڈیا کے مطابق یہ واقعہ گڑگاؤں کے علاقے دھماسپور میں پیش آیا جس کے دوران بھارتی انتہا پسندوں نے ہولی کے دن ایک گھر میں گھس کر وہاں رہنے والوں اور وہاں آئے مہمانوں کو بری طرح تشدد کا نشانہ بنایا۔
تفصیلات کے مطابق متاثرہ گھر کے بچے کرکٹ کھیل رہے تھے کہ کچھ لوگ وہاں آئے اور کہا کہ ’پاکستان جاکر کرکٹ کھیلو‘۔