اسلام آباد: پاکستان کے بحری بیڑے میں ایک نئے جہاز کا اضافہ ہو گیا ہے۔ بحری بیڑے میں شامل ہونے والے نئے جہاز کو ’بولان‘ کا نام دیا گیا ہے۔
It gives me great pleasure to inform the Pakistani nation that PNSC has added to its fleet a MoGas Carrier LR-1 vessel on March 25, 2019. The ship named Bolan will help reduce the dependency on foreign vessels & save millions of $’s in freight. Another step towards self reliance!
— Ali Haider Zaidi (@AliHZaidiPTI) March 25, 2019
ہم نیوز کے مطابق وفاقی وزیر بحری امور علی زیدی نے قوم کو یہ خوشخبری سماجی رابطے کی ویب سائٹ ’ ٹوئٹر‘ پر دی ہے۔
انہوں نے ٹوئٹر پر اپنے پیغام میں لکھا ہے کہ قوم کو یہ بتا کر خوشی محسوس کررہا ہوں کہ بحری بیڑے میں نئے جہاز کا اضافہ ہوا ہے۔
وفاقی وزیر کے مطابق بحری بیڑے میں شامل ہونے والے نئے جہاز کو بولان کا نام دیا گیا ہے۔ ان کا کہنا ہے کہ نئے جہاز کی شمولیت سے بیرونی جہازوں پر انحصار کم ہوگا۔ انہوں نے اس اقدام کو خود انحصاری کی جانب ایک قدم قرار دیا۔
قوم کو خوشخبری دیتے ہوئے انہوں نے مؤقف اپنایا ہے کہ بولان کی بحری بیڑے میں شمولیت سے خود کفالت کی جانب بڑھیں گے اور لاکھوں ڈالرز کی بچت ہوگی۔
وفاقی وزیر علی زیدی نے سماجی رابطے کی ویب سائٹ کے پیغام میں یہ بھی لکھا ہے کہ موسم گرما کے اختتام تک مزید ایک جہاز بحری بیڑے میں شامل ہوجائے گا۔
I congratulate Chairman, the board & management of PNSC for this successful acquisition. Inshallah another vessel will be added to the PNSC fleet before the end of Summer 2019.
— Ali Haider Zaidi (@AliHZaidiPTI) March 25, 2019
بولان کی پاکستان کے بحری بیڑے میں شمولیت پر وفاقی وزیر نے پی این ایس سی کے چیئرمین، بورڈ اور انتظامیہ کو مبارکباد بھی پیش کی ہے۔