سوشل میڈیا پر وائرل کھلاڑی کے بولڈ ہونے کی تصویر نے ایک دلچسپ سوال کھڑا کردیا جس کا جواب دینے کے لیے خود انٹرنیشنل کرکٹ کونسل (آئی سی سی) کو میدان میں کودنا پڑا۔
سماجی رابطے کی ویب سائٹ ٹوئٹر پر ایک تصویر جاری کی گئی اور سوال کیا گیا کہ ’’آؤٹ یا ناٹ آؤٹ‘‘؟ تصویرمیں دیکھا جا سکتا ہے کہ ایک کھلاڑی بولڈ ہوا ہے اور اس کی درمیان والی وکٹ گر گئی ہے تاہم بیلز وہیں کی وہیں کھڑی رہیں۔
Out, or not out? ? pic.twitter.com/1gDMP11rCn
— ICC (@ICC) March 24, 2019
اب کرکٹ کے قوانین پر روشنی ڈالیں تومعلوم ہوتا ہے کہ جب تک دونوں بیلز یا دونوں میں سے کوئی سی بھی ایک بیل اکھڑ کر گر نہ جائے تب تک کھلاڑی کو آؤٹ نہیں دیا جا سکتا۔
خیر اس تصویر کے وائرل ہونے پر کرکٹ کے شائقین ٹوئٹر پر اپنی اپنی رائے کا اظہار کرتے رہے۔
کسی نے کہا کہ یہ آؤٹ ہے تو کسی نے ناٹ آؤٹ قرار دیا۔ جب صورتحال ایسی ہوئی تو خود آئی سی سی نے فیصلہ سنا دیا۔
آئی سی سی کی جانب سے سماجی رابطے کی ویب سائٹ پر جاری بیان کے مطابق آؤٹ کے حوالے سے جو قوانین درج ہیں ان میں سے شق نمبر 29.1.1 یہ کہتی ہے کہ اگر وکٹ یا بیل میں سی کوئی بھی اپنی جگہ سے اکھڑ جائے تو وہ آؤٹ تصور کیا جائے گا، لہذا یہ کھلاڑی آؤٹ ہے۔