لندن: برطانوی پارلیمنٹ نے تیسری مرتبہ بریگزٹ ڈیل کو مسترد کردیا ہے، ڈیل کے حق میں 286 جبکہ اس کی مخالفت میں 344 ووٹ ڈالے گئے۔
ڈیل مسترد ہونے کے بعد برطانوی وزیراعظم نے کہا کہ قانون سازوں کی جانب سے ڈیل مسترد کیے جانے کے بعد برطانیہ کے پاس یورپی یونین سے نکلنے کے آپشنز ختم ہورہے ہیں۔
انہوں نے کہا کہ ایوان کے فیصلے کے سنگین نتائج برآمد ہوسکتے ہیں۔
مزید پڑھیں: تھریسامے کا بریگزٹ ڈیل منظور ہونے کی صورت میں استعفے کا اعلان
دوسری جانب برطانوی اپوزیشن لیڈر جیریمی کوربل نے تھریسا مے سے استعفے کا مطالبہ کردیا۔
انہوں نے کہا کہ برطانیہ کے مستقبل کا فیصلہ عام انتخابات کے ذریعے ہونا چاہیے، ڈیل کو تبدیل کرنے کی ضرورت ہے۔
خیال رہے کہ برطانوی وزیراعظم تھریسامے نے بریگزٹ ڈیل منظور ہونے کی صورت میں استعفے کا اعلان کیا تھا۔ ان کا کہنا تھا کہ ملکی مفاد کی خاطر وقت سے پہلے استعفی دینے کو تیار ہوں۔
In view of the rejection of the Withdrawal Agreement by the House of Commons, I have decided to call a European Council on 10 April. #Brexit
— Donald Tusk (@eucopresident) March 29, 2019
یورپی کونسل کے صدر ڈونلڈ ٹسک نے اپنے ٹوئٹر پیغام میں کہا ہے کہ ہاؤس آف کامنز کی جانب سے ڈیل مسترد کیے جانے کے پیش نظر میں نے 10 اپریل کو یورپی کونسل کا اجلاس طلب کرلیا ہے۔
