اسلام آباد: وزیر اعظم عمران خان نے کہا ہے کہ آٹزم کا شکار افراد کی بہبود کے لیے جلد حکمت عملی لائی جائے گی۔
وزیر اعظم عمران خان نے سماجی رابطے کی ویب سائٹ ٹوئٹر پر کہا کہ آٹزم سے آگاہی کے عالمی دن کے موقع پر آج دنیا نہ صرف آٹزم کو پہچان رہی ہے بلکہ اس میں مبتلا افراد کی صلاحیتوں کا اعتراف بھی کیا جارہا ہے۔
وزیر اعظم نے کہا کہ میں والدین اور اساتذہ کو یقین دلاتا ہوں کہ آٹزم کے شکار افراد کی بہبود کی حکمت عملی لائیں گے۔
Today on #WorldAutismAwarenessDay there is global recognition not only of Autism but also the immense potential of persons with Autism. I want to assure parents & teachers we will have a policy that ensures welfare of persons with Autism & allows them to realise their potential.
— Imran Khan (@ImranKhanPTI) April 2, 2019
عمران خان نے کہا کہ آٹزم کے شکار افراد کو اپنی صلاحیتیں بروئے کار لانے کا موقع دیں گے۔
یہ بھی پڑھیں اٹھارہویں ترمیم کے بعد وفاق دیوالیہ ہوگیا ہے، عمران خان
آج دنیا بھر میں دماغی بیماری آٹزم کا دن منایا جا رہا ہے
رپورٹ کے مطابق اس بیماری میں مبتلا افراد کوئی ایک حرکت یا کسی جملے کو بار بار دھراتے ہیں، اگر یہ علامات آپ کے بچے میں ہیں تو وہ آٹزم کا شکار ہے۔ یہ ایک پیدائشی ذہنی بیماری ہے۔ ایسے بچے انگلیوں یا کسی گھومنے والی چیز سے کھیلتے رہتے ہیں۔ ایسے لوگ اپنے کام خود کرسکتے ہیں نہ ہی کسی کی مدد مانگتے ہیں۔
لوگوں کا خیال ہے کہ اس بیماری میں مبتلا افراد بات کرنے یا آنکھیں ملانے سے کتراتے ہیں اور اپنے خیالات میں مگن رہتے ہیں۔
آٹزم کا شکار افراد کی ایک علامت یہ بھی ہے کہ سردی ہو یا گرمی انہیں اس کا احساس نہیں ہوتا، آٹزم میں مبتلا بچے کسی کو اپنے کھیل میں شریک نہیں کرتے۔
ڈاکٹروں کے مطابق یہ ایک موروثی بیماری ہے جس کا اب تک کوئی علاج دریافت نہیں ہوسکا تاہم ماہرنفسیات کے مطابق اسپیچ تھراپی، مناسب دیکھ بھال اور پیار محبت سے اس مرض پر قابو پایا جاسکتا ہے۔