اسلام آباد: وزیر اعظم عمران خان نے کہا ہے کہ بھارت اور اسرائیلی رہنما مقبوضہ علاقوں میں قبضہ جمانے کے لیے اخلاقی دیوالیہ پن دکھاتے ہیں۔
وزیر اعظم نے سماجی رابطہ کی ویب سائٹ ٹوئٹر پر اپنے ایک بیان میں کہا کہ بھارت اور اسرائیل محض ووٹوں کے لیے کشمیر اور مغربی پٹی پر قبضہ جمائے رکھنے کے لیے سلامتی کونسل، عالمی قوانین اور اپنے آئین کو توڑتے ہیں تو کیا مقبوضہ علاقوں کی عوام کو غصہ نہیں آتا۔
When ldrs in Israel & India show a moral bankruptcy in their readiness to annex occupied West Bank & IOK in defiance of int law, UNSC resolutions & their own Constitution for votes, don’t their ppl feel a sense of outrage & wonder how far they will go simply to win an election?
— Imran Khan (@ImranKhanPTI) April 9, 2019
انہوں نے کہا کہ مقبوضہ علاقوں کی عوام ان سے پوچھتے ہیں کہ انتخابات جیتنے کے لیے آخر کس حد تک جاؤ گے۔
یہ بھی پڑھیں نیشنل ایکشن پلان پر عملدرآمد حکومت کی اولین ترجیح ہے، عمران خان
اس سے قبل 6 اپریل کو وزیر اعظم عمران خان نے اپنے ایک ٹوئٹ میں کہا تھا کہ بھارتیہ جنتا پارٹی نے انتخابات جیتنے کے لیے جنگی جنون طاری کیا ہے جب کہ ہمیشہ سچ کی فتح ہوتی ہے اور وہی سب سے اچھی پالیسی ہے۔ بی جے پی کی جانب سے الیکشن جیتنے کے لیے پاکستان پر نہ صرف جنگی جنون طاری کیا بلکہ جھوٹے دعوے بھی کیے۔
اُن کا کہنا تھا کہ پاکستانی ایف 16 طیارہ گرانے کا بھارت کا جھوٹا دعویٰ بیک فائر کر گیا اور امریکی دفاعی حکام نے بھی بھارتی دعوے کی نفی کردی کہ پاکستان کا کوئی ایف 16 طیارہ فلیٹ سے کم نہیں ہوا۔
یاد رہے اس سے قبل پاک فوج کے ترجمان میجرجنرل آصف غفور نے کہا تھا کہ شکر الحمد اللہ جیت سچ کی ہوئی، بھارت کے لیے اب سچ بولنے کا وقت ہے اور اب بھارت کو اپنے دوسرے طیارے کی تباہی کا اعتراف بھی کرلینا چاہیے۔