اسلام آباد: مینیجنگ ڈائریکٹر (ایم ڈی) پی ٹی وی ارشد خان کو عہدے سے ہٹا دیا گیا۔
اس حوالے سے نوٹیفیکیشن بھی جاری کیا جاچکا ہے جس کے مطابق پی ٹی وی کے ڈائریکٹر ایڈمن حسن عماد کو ایم ڈی کے عہدے کا چارج دے دیا گیا ہے۔
خیال رہے کہ ماضی میں وفاقی وزیر اطلاعات فواد چوہدری اور ایم ڈی پی ٹی وی کے درمیان اختلافات سامنے آچکے ہیں۔
فواد چوہدری نے ادارے کی کارکردگی بہتر بنانے کے لیے خط لکھا جس پر ایم ڈی اور پی ٹی وی کی جانب سے جوابی خط بھی لکھا گیا۔
وفاقی وزیر اطلاعات نے سرکاری نشریاتی ادارے میں بے ضابطگیوں پر آئی جی اسلام آباد کو تحقیقات کے لیے خط بھی لکھا۔
The Prime Minister has full confidence in the Board of PTV and it’s management and believes PTV should be an independent organisation like BBC and the government will take all steps necessary towards that end.
— Naeem ul Haque (@naeemul_haque) February 20, 2019
وفاقی وزیر اور ایم ڈی پی ٹی وی کے درمیان تنازع میں شدت اس وقت آئی جب وزیراعظم کے معاون خصوصی نعیم الحق بھی اس میں شامل ہوگئے اورانہوں نے فوادچوہدری کے خلاف ٹویٹ بھی کردی۔
ہوا ہے شہ کا مصاحب پھرے ہے اتراتا
وگرنہ شہر میں غالبؔ کی آبرو کیا ہے ?? https://t.co/NCMLqZSu6C— Ch Fawad Hussain (@fawadchaudhry) February 20, 2019
وفاقی وزیر کی جانب سے اس معاملے پر استعفے کی باتیں بھی سامنے آئی تھیں تاہم وزیراعظم کی جانب سے معاملے میں مداخلت کے باعث وقتی طورپر یہ معاملہ پس پردہ چلا گیا تھا۔