پیرس: فرانس کے دارالحکومت میں واقع نوٹرے ڈیم چرچ میں آگ لگ گئی ہے۔
فرانسینسی میڈیا کے مطابق چرچ میں اچانک آگ بھڑک اٹھی جو دیکھتے ہی دیکھتے پوری عمارت میں پھیل گئی۔
عمارت کو خالی کرالیا گیا ہے، ابتدائی طور پر آگے بجھانے والے اداروں کی گاڑیوں نے موقع پر پہنچ کر آگ پر قابوپانے کی کوششیں شروع کردی ہیں۔
نوٹرے ڈیم وہ تاریخ چرچ ہے جہاں ہر سال دنیا بھر سے لاکھوں سیاح آتے ہیں، چرچ کی عمارت کی مضبوطی کے لیے وہاں بھی تعمیراتی کام جاری ہے جو آگ لگنے کی وجہ ہوسکتا ہے۔
So horrible to watch the massive fire at Notre Dame Cathedral in Paris. Perhaps flying water tankers could be used to put it out. Must act quickly!
— Donald J. Trump (@realDonaldTrump) April 15, 2019
امریکی صدر ڈونلڈٹرمپ نے اس حوالے سے ٹوئٹ میں کہا ہے کہ نوٹرے ڈیم کتھیڈرل میں بڑے پیمانے پر آگ دیکھنا خوفناک ہے، آگ بجھانے کے لیے پانی کے ٹینکرز کو استعمال کیا جاسکتا ہے، جلدی یہ کام چاہیے۔
فرانس کے صدر عمانوئل میکرون نے آتشزدگی کے واقعے کے پیش نظر عوام سے متوقع خطاب ملتوی کردیا ہے۔ انہوں نے واقعے پر افسوس کا اظہار کرتے ہوئے جلد جائے حادثہ کے دورے کا اعلان کیا ہے۔
دوسری طرف آتشزدگی کی وجہ معلوم کرنے کے لئے تحقیقات کا آغاز بھی کر دیا گیا ہے۔
گزشتہ سال کیتھولک چرچ کی جانب سے عمارت کو مزید خراب ہونے سے بچانے کے لیے فنڈز کی فراہمی کی اپیل کی گئی تھی۔
