اسلام آباد: بھارت نے لائن آف کنٹرول (ایل او سی) پر جموں و کشمیر کے راستے پاکستان کے ساتھ ہونی والی تجارتی سرگرمیاں معطل کرتے ہوئےکشمیروں کے درمیان تجارت پر پابندی عائد کردی ہے۔
بھارتی صحافی ادیتہ راج کول نے سوشل میڈیا پر کیے گئے اپنے ایک ٹویٹ میں انکشاف کیا کہ نئی دہلی نے کشمیر کے روٹ پر پاکستان کے ساتھ تجارتی سرگرمیاں معطل کردی ہیں اور اس کی وجہ ان راستوں سے اسلحے اور منشیات کی اسمگلنگ کا خدشہ بتائی گئی ہے۔
#BREAKING: India suspends India-Pakistan Trade from Jammu & Kashmir trade routes of Salamabad and Chakan-da-bagh. Trade suspended because of misuse through inflow of weapons, narcotics and currency. India to have stricter regulatory regime in place. pic.twitter.com/zAJKuaDt7n
— Aditya Raj Kaul (@AdityaRajKaul) April 18, 2019
بھارتی صحافی نے یہ بھی لکھا کہ بھارت کو ان راستوں پر مزید سخت نگرانی کرنا ہوگی۔
کشمیری بارامولا اور پونچھ میں موجود دو تجارتی مراکز سے تجارت کرتےہیں۔ جس پر اب بھارت نے پابندی عائد کردی ہے۔ دونوں مراکز سے کنٹرول لائن کے دونوں طرف کشمیری آپس میں تجارت کرتے ہیں۔
پابندی سے کشمیری اشیا کے بدلےاشیا کے تبادلے کی سہولت سے محروم ہو گئے ہیں۔
بھارتی وزارت داخلہ کی جانب سے جاری اعلامیے میں پاکستان پر الزام عائد کیا گیا ہے کہ بھارت کو ایسی اطلاعات موصول ہوئیں تھی جس میں جموں و کشمیر کے تجارتی راستے پاکستان سے غیر قانونی اسلحہ، منشیات اور کرنسی آسکتی ہے۔
یہ بھی پڑھیں: ’بھارت پاکستان پرالزام لگانے سے پہلے ثبوت فراہم کرے‘
اعلامیے میں کہا گیا ہے کہ تجارت معطلی کی وجہ اس راستے کے ذریعے غیر قانونی کام کیے جانے کا خدشہ ہے۔
اعلامیے کے مطابق اس راستے سے دونوں ممالک کے مابین تجارتی سرگرمیاں اس وقت تک معطل رہیں گی جب تک ان روٹس پر حکومت کی جانب سے نگرانی سخت نہیں کردی جاتی اور اس بات کی یقین دہانی نہیں ہوجاتی کے یہاں سے صرف فائدہ مند تجارت ہی کی جائے گی۔
دوسری جانب سابق وزیراعلی مقبوضہ کشمیر محبوبہ مفتی نے بھارت کے اس اقدام پر ردعمل کا اظہار کرتے ہوئے کہا ہے کہ بی جے پی دوبارہ اقتدار میں آنے کےلیے کشمیریوں کو قربان کا بکرا بنا رہی ہے۔
Using Kashmir as a scapegoat to claw its way back to power won’t help BJP. It’s an excuse to worsen ties with Pak despite their peace overtures. By doing this PM Modi has dismantled a CBM Initiated by Vajpayee ji .Won’t be surprised if an attack on Pak is in the offing. https://t.co/ynpDF3dCVP
— Mehbooba Mufti (@MehboobaMufti) April 18, 2019
محبوبہ مفتی نے اپنے ایک ٹویٹ پیغام میں کہا کہ ایسا کرنے سے بی جے پی دوبارہ اقتدار میں نہیں آ سکتی، مودی نےواجپائی کے دور میں ہونے والےاعتماد بحالی کے اقدامات ختم کردئیے ہیں۔
انہوں نے کہا کہ بھارت کی جانب سے پاکستان پرحملے کی تیاری حیران کن نہیں ہوگی۔
