کولمبو: سری لنکا میں ایسٹر کے دن آٹھ دھماکے ہوئے جن میں 207 افراد ہلاک اورپانچ پاکستانی خواتین سمیت 500 سے زائد زخمی ہوگئے ہیں۔
ایسٹر کےموقع پر تین گرجا گھروں اور تین ہوٹلوں میں دھماکے ہوئے جب کہ ایک دھماکہ دہیوالا روڈ پر مئیر کی رہائش گاہ کے پاس ہوا۔
دھماکے میں ہلاک ہونے والے افراد میں امریکی،برطانوی سمیت 35غیر ملکی بھی شامل ہیں۔
دھماکوں کے بعد پولیس نے سرچ آپریشن کا آغاز کیا جس کے دوران مسلح افراد سے مقابلے کے بعد چار افراد کو گرفتار کرلیا گیا ہے، پولیس نے شک کی بنیاد پر بھی چار مزید افراد کو گرفتار کیا۔
ملکی حالات کے پیش نظر فوج اورپولیس کے تمام اہلکاروں کی چھٹیاں ختم کردی گئی ہیں اور پورے ملک میں غیرمعینہ مدت کے لیے شام چھ سے صبح چھ بجے تک کرفیو نافذکردیا گیا ہے۔
کوچھی کاڈے، کٹواپٹیا اور بٹیکالوا میں تین گرجا گھروں کو نشانہ بنایا گیا ہے جبکہ دارالحکومت کولمبو میں تین ہوٹلوں دی شینگریلا، سینامن گرانڈ اور کنگز بری کو نشانہ بنایا گيا ہے۔ گرجا گھروں میں دھماکوں کے وقت مسیحی برادری کے لوگ ایسٹر کی تقریبات منا رہے تھے۔
یہ بھی پڑھیں: جنوبی افریقہ: چرچ کی دیوار گرنے سے 13 ہلاک 16 زخمی
مسیحی برادری آج ایسٹر منا رہی ہے
دھماکوں کے بعد حکومت نے ملک بھر میں ایمرجنسی نافذ کردی ہے اور سوشل میڈیا تک رسائی بند کر دی گئی ہے۔
افسوسناک واقعے کے بعد سری لنکن وزیراعظم نے سیکیورٹی کونسل کا ہنگامی اجلاس طلب کرلیا ہے اور دو دن تک تعلیمی ادارے بند رکھنے کا اعلان کیا گیا ہے۔
رائٹرز کے مطابق 400 سے زائد افراد زخمی اور 138 ہلاک ہوئے ہیں۔ بی بی سی نے اپنی خبر میں 137 افراد ہلاک ہونے کا دعویٰ کیا ہے۔
An explosion reported at the premises of the St. Anthony's Church in Kochchikade Colombo #lka pic.twitter.com/3qlNBvV0Q0
— Aashik Nazardeen (@aashikchin) April 21, 2019
نیگومبو چرچ نے اپنے فیس بک پیج پر جو تصاویر شائع کی ہیں ان میں دیکھا جاسکتا ہے کہ کچھ لوگ زخمی حالت میں زمین پر پڑے ہیں، کچھ لوگوں کے کپڑے خون آلود ہیں اور چرچ کی دیواروں کو بھی نقصان پہنچا ہے۔
پاکستانیوں کی معلومات
ابتدائی معلومات کے مطابق سری لنکا میں ہونے والے دھماکوں میں 5 پاکستان خواتین بھی زخمی ہوئی ہیں۔ پاکستانی خواتین اس ہوٹل میں موجود تھیں جسے حملے کا نشانہ بنایا گیا۔
حکومت کی وزیر برائے انسانی حقوق شیریں مزاری نے سوشل میڈیا پر ٹویٹ کیا ہے کہ ہمارے سفارت کار اسپتال میں موجود ہیں۔
More sad news from Sri Lankan terror attacks. 5 Pakistani women, from one of the hotels targeted, injured. Our diplomats at hospital. Also HC has given info numbers – see below pic.twitter.com/pbECNdmlfF
— Shireen Mazari (@ShireenMazari1) April 21, 2019
سری لنکا میں پاکستان کے سفارتخانے نے تفصیلات کیلئے ہنگامی نمبروں کا اجرا کیا ہے جہاں سے واقعے کی معلومات حاصل کی جاسکتی ہیں۔
Explosions and blast have been reported at Colombo & Batticoala causing many causalities.
We are watching the situation carefully.
Any Pakistan needing any help / assistance may contact following phone numbers.
0112055681
0112055682
0767773750— Pakistan High Commission, Colombo (@PakistaninSL) April 21, 2019
وزیراعظم پاکستان عمران خان نے سری لنکا میں ہوئے دھماکوں کی مذمت کی ہے۔ انہوں نے سماجی رابطوں کی ویب سائٹ پر کہا ہے کہ پاکستان غم کی اس گھڑی میں سری لنکا کے ساتھ برابر کا شریک ہے۔
Strongly condemn the horrific terrorist attack in Sri Lanka on Easter Sunday resulting in precious lives lost & hundreds injured. My profound condolences go to our Sri Lankan brethren. Pakistan stands in complete solidarity with Sri Lanka in their hour of grief.
— Imran Khan (@ImranKhanPTI) April 21, 2019
پاکستان کے دفتر خارجہ نے سری لنکا میں ہونے والے دھماکوں کی شدید الفاظ میں مذمت کی اور قیمتی انسانی جانوں کے ضیاع پر اظہار افسوس کیا ہے۔ ترجمان دفترخارجہ ڈاکٹر فیصل نے کہا ہے حکومت پاکستان مشکل کی اس گھڑی میں سری لنکن حکومت اور عوام کے ساتھ کھڑے ہیں۔
Pakistan condemns explosions and terrorist attacks in Sri Lanka at Churches & Hotels, that have led to numerous casualties and immense loss. People and Government of Pakistan stand by people and Government of Sti Lanka at this moment of tragedy and against terror @MFA_SriLanka
— Dr Mohammad Faisal (@DrMFaisal) April 21, 2019
وزیر خارجہ شاہ محمود قریشی نے سری لنکن وزیراعظم سے رابطہ کیا اور دھماکوں میں جانی و مالی نقصان پر افسوس کا اظہار کیا ہے۔ ترجمان دفترخارجہ کے مطابق شاہ محمود قریشی نے وزیراعظم اور صدر کی طرف سے کسی بھی قسم کے مکمل تعاون کی یقین دہانی کرائی ہے۔
شاہ محمود قریشی نے کہا کہ حکومت پاکستان اور پاکستان کے عوام اس دکھ کی گھڑی میں سری لنکا کے ساتھ کھڑے ہیں، اسی سلسلے میں وہ جلد سری لنکا کا دورہ کریں گے۔
محکمہ صحت کا فرانزک ٹیم سری لنکا بھیجنے کا فیصلہ
سری لنکا میں دھماکوں میں ہلاک ہونے والوں کی شناخت کے لیے محکمہ صحت پنجاب معاونت کرے گا جس کے لیے فرانزک ٹیم سری لنکا بھیجنے کا فیصلہ کرلیا گیا ہے۔
ڈاکٹر ہمایوں تیمور کی سربراہی میں تین رکنی فرانزک ٹیم تشکیل دی گئی ہے جو وہاں جا کر لاشوں کی شناخت کرے گی۔
سری لنکن حکومت نے فرانزک کے لیے پاکستان سے مدد کی اپیل کی تھی جس کے بعد فرانزک ٹیم نے سری لنکا میں فرانزک ٹیموں سے رابطہ کرلیا ہے۔
Devastating news coming out of Sri Lanka. As always, the purveyors of terror have chosen to target innocents on a holy day. Thoughts & prayers with all the families for whom this #Easter has become one of mourning. #Pakistan stands in grief with its brothers in #SriLanka
— BilawalBhuttoZardari (@BBhuttoZardari) April 21, 2019
چیئرمین پیپلزپارٹی بلاول بھٹوزرداری نے بھی سری لنکا میں ہونے والی دہشتگردی کی مذمت کی ہے، ان کا کہنا ہے کہ دہشتگردوں نے مقدس دن پرمعصوم لوگوں کو نشانہ بنایا گیا، سری لنکا کے تمام خاندان کے لیے دعائیں ہیں جن کی خوشیاں ماتم میں تبدیل ہوگئی ہیں۔
بلاول بھٹوزرداری نے کہا کہ پاکستان اس دکھ کی گھڑی میں اپنے سری لنکن بھائیوں کے ساتھ کھڑا ہے۔