راولپنڈی: ورلڈ کرائم انڈیکس کےمطابق 2014 سے 2018 تک کراچی میں امن و امان کی صورتحال بہتر ہوئی اور جرائم میں واضح کمی آئی ہے۔
ورلڈ کرائم انڈیکس میں جرائم کے حوالے سے کراچی کا 70 واں نمبر رہا جب کہ 2014 کراچی6ویں نمبر پر تھا۔
پاک فوج کے ترجمان میجرجنرل آصف غفور نے سماجی رابطوں کی ویب سائٹ پر ٹویٹ کیا کہ الحمد اللہ کراچی میں صورتحال آج بہتر ہے۔
ڈی جی آئی ایس پی نے کراچی میں بہتر صورتحال کا کریڈٹ سول انتظامیہ، سیکیورٹی فورسز خصوصاً پولیس اورسندھ رینجرز کو دیا ہے۔
Karachi at one point in time (2014) was 6th in World Crime Index. Alhamdulillah, today it’s at 70th with many first world cities behind. Credit to team of Civil Administration & Security Forces esp Int, Police & Sindh Rangers. Also to the citizens of Karachi. More stability IA. pic.twitter.com/8ghw1VptCn
— Maj Gen Asif Ghafoor (@OfficialDGISPR) April 22, 2019
انہوں نے لکھا کہ امن وامان کی بہتر صورتحال میں کراچی کے شہریوں کا بھی اہم کردار ہے انشااللہ مزید امن واستحکام آئے گا
میجر جنرل آصف غفور نے ٹویٹ کیا کہ آج ورلڈ کرائم انڈیکس میں کراچی کا 70 واں نمبر ہے اور 2014 میں6ویں نمبر پر تھا۔
یہ بھی پڑھیے:کراچی میں سیف سٹی پروجیکٹ تاحال فعال نہ ہوسکا
کرائم انڈیکس 2018 کے مطابق جرائم کے حوالے سے بھارت کا شہر دہلی 65ویں، بنگلہ دیش کا شہر ڈھاکہ 38ویں نمبر پر ہے۔ جرائم کے حوالے سے جنوبی افریقہ کے دو شہر ٹاپ 10 میں ہیں۔ انڈیکس کے مطابق ڈربن 5ویں اور جاہانسبرگ 7ویں نمبر پر ہیں۔
