اسلام آباد: بلاول بھٹو زرداری نے کہا ہے کہ وزیر اعظم عمران خان نے دورہ ایران میں پاک ایران گیس پائپ لائن منصوبہ جاری رکھنے کا اعلان نہیں کیا۔ حکومت کو توانائی کی بڑھتی ہوئی ضرورت، گیس کی قیمتوں میں اضافے اور لوڈ شیڈنگ کا خیال نہیں ہے۔ حکومت پاکستان کی ضرورتوں کی بجائے عالمی طاقتوں کے سامنے جھک گئی ہے۔
بلاول بھٹو زرداری نے ان خیالات کا اظہارسماجی رابطے کی ویب سائٹ پر اپنے ٹویٹ پیغام میں کیا ۔
despite his visit to Iran no announcement was made by the PM to continue President Zardari’s Iran-Pakistan gas pipeline. Given our energy needs, ever increasing price of gas & unequal load-shedding sad that govt also caving to international pressure instead of putting ?? first.
— BilawalBhuttoZardari (@BBhuttoZardari) April 24, 2019
پاکستان پیپلزپارٹی کے چیئرمین بلاول بھٹو زرداری نے سماجی رابطوں کی ویب سائٹ پر اس سے قبل بھی عمران خان کے دورہ ایران سے متعلق ان پر تنقید کرچکے ہیں ۔
بلاول بھٹو نے گزشتہ روز اپنی ٹویٹ میں آکسفورڈ یونیورسٹی کو ٹیگ کر کے لکھا کہ جب آپ اچھی کرکٹ کھیلنے کی وجہ سے لوگوں کو داخلہ دیں گے تو ایسا ہی ہوگا۔
وزیراعظم پاکستان عمران خان نے دورہ ایران میں ایک تقریب سے خطاب میں جب سےدانستہ یا نادانستہ طور پر جرمنی اور جاپان کا بارڈر ملانے کی بات کی اس وقت سے وہ سوشل میڈیا پر تنقید کی زد میں ہیں۔
پاکستان کے نامورصحافی طلعت حسین نے وزیراعظم عمران خان کے حالیہ دورہ ایران کی ایک ویڈیو ٹویٹ کی ہے جس میں انہیں یورپی ملک جرمنی اور ایشیائی ملک جاپان کو ہمسایہ ممالک قرار دیتے ہوئے سنا جا سکتا ہے۔
عمران خان کہہ رہے ہیں کہ جتنی زیادہ آپ تجارت کریں گے آپ کے تعلقات اتنے ہی مضبوط ہوں گے۔ جرمنی اور جاپان نے لاکھوں شہریوں کو ہلاک کیا۔ پھر دوسری جنگِ عظیم کے بعد انھوں نے فیصلہ کیا اور جاپان اور جرمنی کی سرحد پر مل کر صنعتیں لگائیں اور اس کے بعد سے ان کے درمیان خراب تعلقات کا کوئی سوال ہی نہیں کیونکہ ان کے اقتصادی مفادات ایک ہیں۔
یاد رہے کہ درحقیقت جاپان اور جرمنی کے درمیان 5500 میل کا فاصلہ ہے۔
یہ بھی پڑھیے:عمران خان نے جاپان کو جرمنی سے ملادیا، بلاول کا طنز
