فلائنگ کک کھا کر آرنلڈ شوازنیگر نے کیا کہا؟

Arnold Schwarzenegger

ہالی ووڈ اسٹار آرنلڈ شوازنیگر نے اپنے مداحوں کا شکریہ ادا کرتے ہوئے کہا ہے کہ انہیں علم نہیں تھا کہ کسی نے ان کی پیٹھ پر فلائنگ کک رسید کی ہے، وہ اسے ہجوم کی طرف سے ملنے والا دھکا سمجھے، ویڈیو دیکھنے کے بعد انہیں حقیقت کا علم ہوا۔

اپنے ٹوئٹ میں انہوں نے اس بات پر خوشی کا اظہار کیا کہ اس احمق مداح نے ان کے سنیپ چیٹ کے دوران یہ حرکت نہیں کی۔

اس سے قبل انہوں نے اپنے مداحوں سے درخواست کی تھی کہ اگر وہ فلائنگ کک والی ویڈیو شیئر کرنا بھی چاہتے ہیں تو کم از کم اسے دھندلا کر دیں اور ایسی ویڈیو منتخب کریں جس میں حملہ کرنے والے کو شہرت نہ مل سکے۔

یاد رہے کہ گزشتہ روز 18 اپریل کو کیلیفورنیا کے سابق گورنر جوہانسبرگ میں ایک تقریب کا حصہ تھے جہاں ان کے ایک مداح نے پیچھے سے آ کر انہیں ایک فلائنگ کک مار دی جس کے باعث وہ لڑکھڑا گئے تاہم زمین پر نہ گرے۔

حملہ آور ان کے سیکیورٹی حصار کر توڑنے میں تو کامیاب ہو گیا لیکن کک مارنے کے بعد زمین پر گر گیا اور اسے  آرنلڈ شوازینگر کی محافظوں نے فوری طور پر اپنی گرفت میں لے لیا۔

انہوں نے واقعہ کے بعد بھی تقریب میں اپنی شرکت جاری رکھی، بعد ازاں انہوں نے اس بات کی تصدیق کی کہ وہ حملہ کرنے والے شخص کے خلاف کسی قسم کا مقدمہ درج نہیں کرانا چاہتے۔

جوہانسبرگ پولیس کا کہنا ہے کہ حملہ آور ماضی میں بھی اس قسم کے واقعات کا حصہ بنتا رہا ہے۔

متعلقہ خبریں

ٹاپ اسٹوریز