فواد چودھری کی مفتی منیب، پوپلزئی کو انوکھی دعوت


اسلام آباد: وفاقی وزیر سائنس اینڈ ٹیکنالوجی فواد چودھری نے آج  مفتی منیب الرحمان اور مفتی شہاب الدین پوپلزئی کو دعوت دی ہے کہ وہ ان کے پاس آئیں تاکہ انہیں سائنسی طور پر چاند کی گردش کے بارے میں تفصیل سے بتایا جائے۔

سماجی رابطے کی ویب سائٹ پر فواد چوہدری نے اپنے ٹویٹ میں کہا ہے کہ وہ مولانا منیب الرحمن اور شہاب الدین پوپلزئی کو وزارت سائنس اینڈ ٹیکنالوجی میں آنے کی دعوت دے رہے ہیں تاکہ وہ خود دیکھیں کہ چاند کیسے گردش کرتا ہے اور یہ سمجھ سکیں کہ سائنسی طور پر چاند کے اصل مقام کا تعین کسقدر آسان کام ہے۔


یاد رہے کہ فواد چوہدری اور مفتی منیب الرحمان قیام پاکستان میں علما کے کردار اور چاند دیکھنے کے معاملے پر آمنے سامنے آ گئے تھے۔

یہ بھی پڑھیے:قیام پاکستان میں علما کا کردار:مفتی منیب کا فواد چوہدری کو جواب

مفتی منیب الرحمان نے کہا تھا کہ وزیراعظم عمران خان اپنے پرجوش وزرا کو تاریخ پاکستان کا مطالعہ کرنے کا حکم صادر فرمائیں۔

قبل ازیں فواد چوہدری نے سماجی رابطوں کی ویب سائٹ پر ٹویٹ کیا یہ فیصلہ کہ ملک کیسے چلنا ہے مولانا پر نہیں چھوڑا جا سکتا، اس رو سے پاکستان کا قیام ہی عمل میں نہ آتا کیونکہ تمام بڑے علما تو پاکستان کے قیام کے مخالف تھے اور جناح صاحب کو کافر آعظم کہتے تھے۔

یہ بھی پڑھیں:‘ملک چلانے کا فیصلہ مولانا پر نہیں چھوڑا جاسکتا‘

متعلقہ خبریں