شوکت خانم اسپتال کے لیے ریکارڈ عطیات جمع

ہماری صفوں میں اتحاد، نظم و ضبط اور جذبے کی ضرورت ہے، وزیراعظم

فوٹو: فائل

اسلام آباد: وزیر اعظم عمران خان نے کہا ہے کہ ایک افطار میں شوکت خانم اسپتال کے لیے 20 کروڑ روپے کے ریکارڈ عطیات جمع ہوئے۔

سماجی رابطہ کی ویب سائٹ ٹوئٹر پر وزیر اعظم نے کہا کہ گزشتہ سب افطار کے موقع پر شوکت خانم اسپتال کے لیے 20 کروڑ روپے کے ریکارڈ عطیات جمع ہوئے۔ جس پر انہوں نے عطیات دینے والوں کا شکریہ ادا کیا۔

وزیر اعظم عمران خان نے اپنے ایک اور ٹوئٹ میں قومی کرکٹر آصف علی کی بیٹی کی وفات پر تعزیت کا اظہار کرتے ہوئے کہا کہ میں آصف علی اور ان کی فیملی کے دُعا گو ہوں۔

یہ بھی پڑھیں کرکٹر آصف علی کی بیٹی انتقال کر گئی

عمران خان نے آصف علی کو دُعا دیتے ہوئے کہا کہ اللہ پاک آصف علی اور ان کے اہلخانہ کو قیمتی نقصان برداشت کرنے کاحوصلہ عطا کرے۔

واضح رہے کہ کرکٹر آصف علی کی کمسن بیٹی کینسر کے مرض میں مبتلا تھی اور گزشتہ ایک ماہ سے امریکہ کے اسپتال میں زیر علاج تھی۔ آصف علی کی دو سالہ بیٹی نور فاطمہ کو فور اسٹیج کا کینسر تھا۔

متعلقہ خبریں

ٹاپ اسٹوریز