ورلڈ کپ اسکواڈ، شاہد آفریدی کا بیان بھی سامنے آگیا


کراچی: پاکستان کرکٹ ٹیم کے سابق کپتان اور مایہ ناز آل راؤنڈر ’بوم بوم‘ آفریدی نے ورلڈ کپ اسکواڈ پر اعتماد کا اظہار کرتے ہوئے نیک خواہشات کا اظہار کیا ہے۔

اپنے ٹوئٹر پیغام میں ان کا کہنا تھا کہ وہاب ریاض اور محمد عامر کے شامل ہونے سے ٹیم کے تجربے میں اضافہ ہوا ہے اور شاداب خان کی شمولیت کے بعد بولنگ مزید مضبوط ہوجائے گی۔

انہوں نے کہا کہ بیٹنگ پہلے ہی فارم میں ہے اور اب کوئی بہانہ نہیں۔ اس موقع پر انہوں نے ٹیم کے لیے نیک خواہشات کا اظہار کرتے ہوئے کہا کہ امید ہے یہ لڑکے ہمارا سر فخر سے بلند کریں گے۔

عالمی کپ کا آغاز 30 مئی سے ہورہا ہے جبکہ پاکستان اپنا پہلا میچ ویسٹ انڈیز کے خلاف 31 مئی کو کھیلے گا۔


متعلقہ خبریں